စိတ်ပြေလက်ပျောက် ၁၂ ကြောင်း

အထီးကျန်မှုကြောင့် ငြီးငွေ.ဖွယ်ကောင်းအောင် တမင် ငြီးငွေ.မိသလို
ငြီးငွေ.ဖွယ်ကောင်းမှုကြောင့် အထီးကျန်ဖြစ်အောင် တမင် အထီးကျန်မိလာတယ်

စိတ်နာနာနဲ. အဓိပ္ပာယ်ရှိမယ်ထင်တာတွေကို လျှောက် စိတ်နာမိတော့
ရှိတယ်ထင်ရတဲ့ အဓိပ္ပာယ်တွေက စိတ်နာနာကို စိတ်နာစပြုလာတယ်

လောကကြီးအပေါ် အကောင်းမြင်စိတ်နဲ. သုံးသပ်မိတဲ့အခါ
အကောင်းမြင်စိတ်ဟာ လောကကြီးအပေါ် သုံးသပ်မိလာတယ်

ထိုက်တန်မှုအတွက် လောဘကို နားလည်ဖို. ကြိုးစားခိုက်
နားလည်မှုဟာ ထိုက်တန်မှုအတွက် လောဘအပြည့်နဲ. ကြိုးစားလာတယ်

သတိရခြင်းတွေကို မမေ့မလျော့ သယ်ဆောင်ရင်း
မေ့လျော့ခြင်းတွေကို သတိတရ သယ်ဆောင်မိလာတယ်

တကယ် တန်ဖိုးရှိခဲ့လို. ဖြစ်တည်မှုတစ်ခုဟာ နေပျော်သေပျော်ခဲ့ရင်
ဖြစ်တည်မှုတစ်ခုဟာ နေပျော်သေပျော်တိုင်း တကယ် တန်ဖိုးရှိခဲ့ရဲ.လား…..။          ။



 ခွန်းချို
ဒီ၊ ၂၀၁၀ ။ (မွေးနေ.အမှတ်တရ)

သမဂ္ဂများနှင့် စပ်လျဉ်းသော အရေးအသားများ (အပိုင်း - ၃)

၁း၂ ။           ။ ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ.ချုပ်၏ သမိုင်းကောက်ကြောင်း



                      မြန်မာနိုင်ငံမှာ တစ်ချိန်က ကျောင်းသားသမဂ္ဂပေါင်းများစွာ ရှိခဲ့ပေမယ့် အထင်ရှားဆုံးဖြစ်တဲ့ ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ.ချုပ် (All Burma Federation of Student Unions) (ABFSU) တစ်ခုတည်းရဲ. သမိုင်းကောက်ကြောင်းကိုသာ ပြောသွားမှာ ဖြစ်ပါတယ်။

                       ဓမ္မနဲ. အဓမ္မ ထိပ်တိုက်တွေ.ဆုံတိုင်း ပြည်သူလူထုဘက်ကသာ အစဉ်တစိုက် ရပ်တည်ပေးခဲ့တဲ့ ABFSU ရဲ. ဇစ်မြစ်ကို လေ့လာကြည့်ရင် ၁၉၃၀ ခုနှစ်တ၀ိုက်၊ ဗမာ့လွတ်လပ်ရေး ကြိုးပမ်းခဲ့စဉ်ကာလတွေအထိ ပြန်ဖော်ထုတ်ရမှာပါ။ ၁၉၃၀ မှာ တို.ဗမာအစည်းအရုံးကို သခင်ဘစိန်နဲ. သခင်ကိုယ်တော်မှိုင်းတို.က ဖွဲ.စည်းခဲ့အပြီး နောက်တစ်နှစ် ၁၉၃၁ ခုနှစ်မှာ ရန်ကုန်တက္ကသိုလ်ကျောင်းသားများသမဂ္ဂ (Rangoon University Students’ Union) (RUSU) ကို လူမှုရေးအဖွဲ.အစည်းတစ်ခုအနေနဲ. ကိုအောင်ဆန်း (နောင်တွင် ဗိုလ်ချုပ်အောင်ဆန်း ဖြစ်လာပြီး ဗမာ့လွတ်လပ်ရေးဗိသုကာရှင် `လွတ်လပ်ရေး ဖခင်´ ၊ ၁၉၉၁ နိုဘယ်ငြိမ်းချမ်းရေးဆုရှင် ဒေါ်အောင်ဆန်းစုကြည်ရဲ. မွေးဖခင် ဖြစ်လာသူ) က ဦးဆောင် ဖွဲ.စည်းခဲ့တယ်။ ၁၉၃၅ ခုနှစ်မှာတော့ ကိုအောင်ဆန်းနဲ. သူ.သူငယ်ချင်းတွေ ဖြစ်တဲ့ ကိုနု (နောင်တွင် ပထမဆုံးနှင့် နောက်ဆုံးသော ဒီမိုကရေစီနည်းကျ ရွေးမြှောက်ခြင်း ခံရပြီး ၀န်ကြီးချုပ် ဦးနု ဖြစ်လာသူ) ၊ ကိုသိန်းဖေ (နောင်တွင် ဗမာပြည်ကွန်မြူနစ်ပါတီရဲ. အထွေထွေအတွင်းရေးမှူး ဖြစ်လာသူ) နဲ. ကိုကျော်ငြိမ်း (နောင်တွင် ဒုတိယ၀န်ကြီးချုပ် ဖြစ်လာသူ) တို.က RUSU ရဲ. ခေါင်းဆောင်တွေ ဖြစ်လာကြပြီး ဗြိတိသျှကိုလိုနီအစိုးရကို ဆန်.ကျင်တဲ့ ဒုတိယမြောက် တက္ကသိုလ်ကျောင်းသားသပိတ်ကြီးကို ဦးဆောင်ခဲ့ကြတယ်။ ၁၉၃၆၊ မေလ ၈ ရက်နေ.မှာ ပထမဆုံးသော ကျောင်းသားညီလာခံကြီးကို ရန်ကုန်မှာ RUSU မှ စီစဉ် ကျင်းပနိုင်ခဲ့ပြီး ဗမာနိုင်ငံလုံးဆိုင်ရာ ကျောင်းသားများသမဂ္ဂ (ဗကသ) (All Burma Students’ Union) (ABSU) အဖြစ် ညီလာခံမှာ ပြောင်းလဲ ဖွဲ.စည်းခဲ့တယ်။ အဲဒီညီလာခံကြီးမှာ ကိုရာရှစ်က ABSU ရဲ. ဥက္ကဌအဖြစ်လည်းကောင်း၊ ကိုအောင်ဆန်းက ဒုတိယဥက္ကဌအဖြစ်လည်းကောင်း ရွေးကောက် တင်မြှောက်ခံခဲ့ရတယ်။

                          ၁၉၅၁ ခုနှစ်မှာ ဗမာတစ်နိုင်ငံလုံးက ကျောင်းသားအားလုံးကို ကိုယ်စားပြုနိုင်ဖို.အတွက် ABSU ကို ABFSU အဖြစ် အမည်ပြောင်းလဲခဲ့တယ်။ ABFSU ဟာ ပညာရေးစနစ် ပြင်ဆင်ဖွဲ.စည်းရေး၊ ဒီမိုကရေစီစနစ် ထူထောင်နိုင်ရေး၊ လူတိုင်း လွတ်လပ်စွာ ပညာသင်ကြားခွင့်ရရှိရေးတို.အတွက် ငြိမ်းချမ်းစွာ တိုက်ပွဲဝင်ခဲ့တယ်။ ၁၉၆၀ ခုနှစ်မှာ ကျင်းပခဲ့တဲ့ ABFSU ရဲ. ၆ ကြိမ်မြောက် ညီလာခံအတွင်း သူတို.ရဲ. မူဝါဒ ၅ ရပ်နဲ. အလံ ၃ မျိုးတို.ကို တစ်ညီတစ်ညွတ်တည်း အတည်ပြု လက်ခံ ကျင့်သုံးခဲ့ပြီး ဒီမိုကရေစီပညာရေးစနစ် ဖြစ်မြောက်လာရေး၊ ကျောင်းသားရပိုင်ခွင့်၊ ဒီမိုကရေစီ၊ အမျိုးသားငြိမ်းချမ်းရေးနဲ. ရင်ကြားစေ့ရေးတို.ကို ကာကွယ်စောင့်ရှောက်နိုင်ရေးတို.အတွက် လုပ်ကိုင် ဆောင်ရွက်နိုင်ဖို. သဘောတူညီခဲ့ကြတယ်။

                         ၁၉၆၂၊ မတ်လ ၂ ရက်နေ.မှာတော့ ဗမာတို.ရဲ. အပျံသင်စ ပါလီမန်ဒီမိုကရေစီစနစ်ဟာ ဖျက်သိမ်းခြင်း ခံခဲ့ရပြီး ဗိုလ်ချုပ်နေ၀င်းနဲ. အပေါင်းအပါတို.ရဲ. အတင်း အဓမ္မ အာဏာသိမ်းယူခြင်း ခံခဲ့ရတယ်။ (အတင်း အဓမ္မ အာဏာသိမ်းယူခြင်း ခံခဲ့ရတယ်လို. ရေးရတာက မြန်မာနိုင်ငံရဲ. ၁၉၆၀ ခုနှစ် ရွေးကောက်ပွဲဟာ မာ့က်စ်ဝါဒနဲ. ဒီမိုကရေစီတို.ကြား လွန်ဆွဲခဲ့ကြပြီး အင်ဒိုနီးရှားနိုင်ငံရေးမှာလိုပဲ ပါတီမူဝါဒတွေကို ဘေးချိတ်ပြီး မြန်မာ့နိုင်ငံရေး လူ.မလိုင်လွှာအတွင်း “လူကို ခင်တော့ မူကို ပြင်တယ်၊ လူကို မုန်းတော့ မူကို သုံးတယ်” ဆိုတဲ့ စကားပုံအတိုင်း မဲပေးခဲ့မှုတွေ ရှိခဲ့သလို ပါလီမန်အတွင်း အကွဲအပြဲတွေဖြစ်၊ စည်းလုံးမှုတွေ ပြိုကွဲခဲ့ပေမယ့် စစ်တပ်ဆိုတာ ဒီမိုကရေစီအရပ်သားအစိုးရရဲ. လက်အောက်မှာသာ တရားဥပဒေအရ တည်ရှိထားတဲ့ အရာဖြစ်လို. ကိုယ့်တိုင်းပြည် နယ်ချဲ.ကျူးကျော်ခံရမှုနဲ. သူပုန်ထကြွသောင်းကျန်းမှုတို.မဟုတ်ရင် တခြား ဘယ်ကိစ္စမှာမှ ၀င်ရောက် စွက်ဖက်ပိုင်ခွင့် မရှိဘူးလို. ကျွန်တော့်အနေနဲ. အပြည့်အ၀ ယူဆပြီး အဲလို ရေးဖြစ်ပါတယ်။ ဒါပေမဲ့ ဗိုလ်ချုပ်နေ၀င်းလို မြာပွေတဲ့ လူမျိုးကို (အကြောင်းသိနေရဲ.သားနဲ.) စစ်ဦးစီးချုပ်အဖြစ် ခန်.အပ်ပြီး ဗိုလ်မှူးချုပ်အောင်ကြီးနဲ. နောက်က ထိန်းမယ်လို. တွက်တဲ့ ဦးနုရဲ. နိုင်ငံရေးညံ့ဖျင်းမှုတချို.လည်း ပါမယ် ထင်ပါတယ်)

                            စစ်တပ် အာဏာသိမ်းပွဲကို ABFSU က ကျောင်းသားသပိတ်နဲ. ကြိုဆိုခဲ့ပြီးနောက်ပိုင်း မြန်မာ့တပ်မတော်ရဲ. တစ်ခုတည်းသော ရန်သူဟာ လက်ဝဲယိမ်း၊ လက်ယာယိမ်းဝါဒီတို.လည်း မဟုတ်၊ အဖျက်အမှောင့် လက်နက်ကိုင် သူပုန်တွေလည်း မဟုတ်၊ နယ်ချဲ.၀ါဒီတွေလည်း မဟုတ်ဘဲ ကိုယ့်မြန်မာပြည်တွင်း ကျောင်းသား၊ ကျောင်းသူ လူငယ်လေးတွေ ဖြစ်လာခဲ့တယ်။ ရန်ကုန်တက္ကသိုလ်ကျောင်းပရ၀ုဏ်တစ်ခုလုံးကို သူ.တပ်သားတွေနဲ. တပ်စွဲ သိမ်းပိုက်ပြီး ကျောင်းသားသပိတ်ကို ဗိုလ်ချုပ်နေ၀င်း ရက်စက် ကြမ်းကြုတ်စွာ ဖိနှိပ် ဖြိုခွင်းခဲ့တယ်။ ၁၉၆၂ ခုနှစ်၊ ဇူလိုင် ၇ ရက်နေ.မှာတော့ စစ်တပ်က ရုတ်တရက် အလစ်ဝင်ရောက်တိုက်ခိုက်ခဲ့မှုကြောင့် ကျောင်းသားရာပေါင်းများစွာ သတ်ဖြတ်ခံခဲ့ရပြီး ထောင်ပေါင်းများစွာလည်း အကျဉ်းကျခံခဲ့ရသလို ကျောင်းသားသမဂ္ဂ အဆောက်အအုံလည်း ဖြိုချ ဖျက်ဆီးခြင်း ခံခဲ့ရတယ်။ အဲဒီအချိန်ကစပြီး Kleptocracy (တိုင်းပြည်အရင်းအမြစ်တွေကို အာဏာနဲ. အပိုင်စီး ခိုးထုတ် အုပ်ချုပ်ခြင်း) နဲ. တစ်ဦးအပေါ်တစ်ဦး ယုံမှားသံသယ လွန်ကဲပြီး အကြွင်းမဲ့အာဏာရှင်ပုံစံ အုပ်ချုပ်ခြင်းတို.နဲ.ပဲ နိုင်ငံရေးအခြေအနေတွေဟာ လှိုင်းထန် ကြမ်းတမ်းနေခဲ့တယ်။ အဲလိုနဲ. ABFSU လည်း မြေအောက်အဖွဲ.တစ်ခုအသွင် ဖြစ်သွားခဲ့ပြီး လျှို.၀ှက် ဆောင်ရွက်နေခဲ့တယ်။

                           ၁၉၈၈ခုနှစ်၊ ဒီမိုကရေစီအရေးနဲ. အပြောင်းအလဲတို.အတွက် နှိုးဆော်မှုတွေကနေ လူထုအုံကြွမှုကြီးဖြစ်လာပြီး အကြီးအကျယ်ဆန္ဒပြမှုတွေဟာ ရန်ကုန်မြို.တော် လမ်းမများပေါ် တစ်ဖန် ပြန်လည်ရောက်ရှိလာတယ်။ ၈ လေးလုံး အရေးအခင်းကြီးရဲ. တစ်စိတ်တစ်ပိုင်းအနေနဲ. ၁၉၈၈ မှာ ABFSU ကို လူသိထင်ရှား ပြန်လည် ဖွဲ.စည်းခဲ့တယ်။ ၁၉၈၈၊ သြဂုတ်လ ၂၈ ရက်နေ.မှာ (ကို)မင်းကိုနိုင်နဲ. နီးစပ်ရာသူငယ်ချင်းတို.ကို ကျောင်းသားညီလာခံတစ်ခုကို ယခင်ကျောင်းသားသမဂ္ဂ အဆောက်အအုံနေရာမှာ ကျင်းပခဲ့ကြပြီး (ကို)မင်းကိုနိုင်ကို ABFSU ဥက္ကဌအဖြစ် တစ်ညီတစ်ညွတ်တည်း ထောက်ခံ ရွေးမြှောက်ခဲ့ကြတယ်။ ကျောင်းသားလှုပ်ရှားမှုတွေ အရှိန်ရလာချိန်မှာပဲ (ကို)မင်းကိုနိုင်နဲ. တခြားကျောင်းသားခေါင်းဆောင်တွေဟာ စစ်တပ်ရဲ. ဖမ်းဆီး ထိန်းသိမ်းခြင်းကို ခံခဲ့ရတယ်။ တချို.ကျောင်းသားခေါင်းဆောင်တွေ နယ်စပ်ကို ထွက်ပြေးသွားခဲ့ကြပေမယ့် ABFSU ဟာ သူတို.ရဲ. လှုပ်ရှားမှုတွေကို ရှေ.ဆက်ခဲ့တယ်။

                           ၁၉၉၀ ရွေးကောက်ပွဲကတည်းက ABFSU ဟာ အဲဒီနှစ် အထွေထွေရွေးကောက်ပွဲမှာ အပြတ်အသတ် အနိုင်ရခဲ့တဲ့ အမျိုးသားဒီမိုကရေစီအဖွဲ.ချုပ် (National League for Democracy) (NLD) အပေါ် သူတို.ရဲ. ထောက်ခံမှုတွေ ပုံအောခဲ့ပြီး လူထုအစိုးရတစ်ရပ် ပေါ်ထွန်းလာဖို.အတွက် NLD ကို ထောက်ခံတဲ့ ဆန္ဒပြပွဲကြီးတွေ စီစဉ် ပြုလုပ်ခဲ့ကြတယ်။ ၁၉၉၀၊ ဒီဇင်ဘာမှာ ABFSU ရဲ. ကျောင်းသားခေါင်းဆောင်အားလုံး ဖမ်းဆီးခံခဲ့ရပြီး နှစ်ရှည်လများ ထောင်ဒဏ်ချမှတ်ခြင်းခံခဲ့ရတယ်။ [သူတို.ကို ထောင်ဒဏ် နှစ်ရှည်ချမှတ်ခဲ့တဲ့ ဥပဒေက လုံးထွေးစွာ စကားလုံးစီထားတဲ့ ၁၉၅၀ ခုနှစ်၊ အရေးပေါ်အခြေအနေ ပြဌာန်းချက် အက်ဥပဒေပုဒ်မ ၅ (ည) ဖြစ်ပါတယ်။ သွေးထိုး ဆူပူ အုံကြွမှုတို.ကို ပြုလုပ်ပါတယ်ဆိုပြီး နိုင်ငံရေးအကျဉ်းသားတွေကို ဖမ်းဆီး ထောင်ချနိုင်ဖို.အတွက် မကြာခဏ အသုံးချလေ့ရှိတဲ့ ဥပဒေလည်း ဖြစ်ပါတယ်]

                             ၁၉၉၁ ခုနှစ်၊ ဒီဇင်ဘာ ၁၀ ရက်နေ.၊ ဒေါ်အောင်ဆန်းစုကြည် နိုဘယ်ငြိမ်းချမ်းရေးဆု ရရှိကြောင်းလည်း ကြားရော ကျောင်းသားတွေ အောင်ပွဲခံခဲ့ပြီး သူမကို နေအိမ်အကျယ်ချုပ်က လွှတ်ပေးဖို.ကို တောင်းဆို ဆန္ဒပြခဲ့ကြတယ်။ ၁၉၉၆ ခုနှစ်တုန်းကလည်း ဒီမိုကရေစီအရေးနဲ. ကျောင်းသားရပိုင်ခွင့်တို.အတွက် တောင်းဆို ဆန္ဒပြခဲ့ကြသေးတယ်။

                               ABSFU နဲ. ဆက်နွယ်ခဲ့သူ အများစုဟာ မြန်မာ့နိုင်ငံရေးလောကမှာ အလွန်အရေးပါတဲ့ ပုဂ္ဂိုလ်တွေ ဖြစ်ခဲ့ပြီး တရားမျှတမှုနဲ. လွတ်လပ်ရေးတို.ကို ကတိပြု နှစ်မြှုပ်ထားခဲ့ကြတယ်။ ABFSU ရဲ. အထင်ရှားဆုံး ခေါင်းဆောင်တချို.ကတော့ ဗိုလ်ချုပ်အောင်ဆန်း၊ ဦးနု၊ ဦးသိန်းဖေမြင့် (နောင်တွင် ဗမာပြည် ကွန်မြူနစ်ပါတီ အထွေထွေအတွင်းရေးမှူး ဖြစ်လာသူ) ဦးကျော်ငြိမ်းနဲ. (ကို)မင်းကိုနိုင် [လက်ရှိတွင် ရှမ်းပြည်နယ် အကျဉ်းထောင်တစ်ခု၌ ထောင်ဒဏ် ၆၅ နှစ် အကျဉ်းကျခံနေရပြီး ABFSU ရဲ. ခေါင်းဆောင် (တစ်ဖြစ်လဲ) ထင်ရှားတဲ့ နိုင်ငံရေးအတိုက်အခံခေါင်းဆောင်တစ်ဦး] တို. ဖြစ်ကြပါတယ်။ (ခေါင်းဆောင်အများစုမှာ ထောင်ထဲ ရောက်နေကြပြီး တချို.က မြေအောက်လှုပ်ရှားမှုတွေ ပြုလုပ်နေသေးသလို တချို.ကတော့ နယ်စပ်တွေမှာ လုပ်ကိုင် ဆောင်ရွက်နေကြဆဲ)

                             ၁၉၈၈ ခုနှစ်ကတည်းက ABFSU ရဲ. လက်ရုံး အဖွဲ.ခွဲတစ်ခုဟာ မြန်မာနိုင်ငံပြင်ပမှာ လှုပ်ရှားနေခဲ့ပြီး လူ.အခွင့်အရေး ချိုးဖောက်မှုတွေအကြောင်း၊ ပညာရေးပဠိပက္ခတွေအကြောင်း နိုင်ငံတကာကို အသိပေးနိုင်ခဲ့တယ်။ ဥပမာ - ABFSU ရဲ. နိုင်ငံခြားရေးရာ ကော်မတီ (Foreign Affairs Committee) (ABFSU - FAC) ဆိုရင် မြန်မာပြည်ကိစ္စတွေကို လူအများ ပိုမို သိရှိ နားလည်လာရေး ၊ နိုင်ငံတကာကျောင်းသားအဖွဲ.အစည်းတို.ရဲ. လှုပ်ရှားမှုတွေ ပိုမိုတိုးတက် ကျယ်ပြန်.လာဖို.အတွက် အရှိန်အဟုန် မြှင့်တင်နိုင်ရေးနဲ. ကမ္ဘာတစ်ဝန်း ကျောင်းသားလှုပ်ရှားမှုတွေကို အထောက်အကူပြုပေးနိုင်ရေးတို.ကို ရည်မှန်းချက်ထား ၊ ဆောင်ရွက်လျက် ရှိနေတာ တွေ.ရတယ်။     

                            အနှစ်ပြန်ချုပ်ရရင် ABFSU ဆိုတာ မြန်မာပြည်မှာ ရှိတဲ့ ကျောင်းသားသမဂ္ဂတွေအားလုံးကို စုစည်း တည်ထောင်ထားတဲ့ အဖွဲ.ချုပ်ဖြစ်ခဲ့ပြီး ပညာရေးသင်ကြားရေး လွတ်လပ်ခွင့်နဲ. ကျောင်းသားရပိုင်ခွင့်တို.အတွက် နိုးကြားတက်ကြွတဲ့ လော်စပီကာတစ်လုံးသဖွယ် ဖြစ်ခဲ့တယ်။ ကျောင်းသားအရေးကိစ္စတို.အတွက် ဟောပြောရာ စင်မြင့်တစ်ခုဖြစ်သလို စကားရည်လုရာ စည်းဝေး ဆွေးနွေးပွဲ (ဖိုရမ်) တစ်ခု ဖြစ်ခဲ့တယ်။ အသွင်အမျိုးမျိုးနဲ. နိုင်ငံရေးဖိနှိပ်သူ အင်အားစုတွေကို တွန်းလှန်ရာမှာ ရှေ.တန်းကနေ နှစ် ၈၀ နီးပါး ပါဝင်နေဆဲ ဖြစ်တယ်။ ABFSU ဦးဆောင်တဲ့ ကျောင်းသားလှုပ်ရှားမှုတွေဟာ ပြည်သူလူထုရဲ. သဘောထားနဲ. အခြေအနေတွေကိုလည်း အမြဲတစေ မီးမောင်းထိုး ၊ ကိုယ်စားပြုနိုင်ခဲ့တယ်။ ဗြိတိသျှကိုလိုနီစနစ်ကို ဆန်.ကျင် တော်လှန်တာကအစ၊ ဖက်ဆစ်ဂျပန် အလယ်၊ တပ်မတော်အစိုးရကို သပိတ်မှောက်တာအဆုံး အားလုံးကို လေ့လာကြည့်ရင် အလွယ်တကူ တွေ.မြင်နိုင်တယ်။ အချိန်ကာလတွေ ရွေ.လျား ပြောင်းလဲလာတာနဲ.အမျှ ABFSU ရဲ. ရည်မှန်းချက်တွေလည်း ပြောင်းလဲလာခဲ့တယ်။ ကနဦးတည်ထောင်စ လွတ်လပ်ရေးကြိုးပမ်းချက်တွေကနေ လက်ရှိအခြေအနေတွေအရ ဒီမိုကရေစီအရေး၊ တရားမျှတမှုနဲ. အမျိုးသား ရင်ကြားစေ့ရေးတို.ကို (မလွှဲမရှောင်) ပြောင်းလဲ အာရုံစိုက်ခဲ့တော့တယ်။

                           နောက်ဆုံးသိထားရသလောက်တော့ ၂၀၀၇ (သြဂုတ် + စက်တင်ဘာ) ၊ စက်သုံးဆီ ဈေးတက်မှုကို အကြောင်းပြု ၊ ဖြစ်ပွားခဲ့တဲ့ အကြမ်းမဖက် အမျိုးသားရေး လှုပ်ရှားမှုကြီးရဲ. ဆန္ဒပြပွဲကာလအတွင်း ABFSU ကို တက္ကသိုလ်ကျောင်းသားတို.က လျှို.၀ှက်စွာ ပြန်လည် ဖွဲ.စည်းခဲ့တယ်လို. သိရှိရပါတယ်။

                          [ “သမဂ္ဂများနှင့် စပ်လျဉ်းသော အရေးအသားများ” အပိုင်း (၃) ဒီတွင် ပြီးပါပြီ။]


                          [ဒီလထဲ ခရီးသွားစရာတွေ ရှိနေလို. အပိုင်း (၄ + ၅) ကို အချောသပ် ရေးတင်နိုင်ဖို. ၂ ပတ်၊ ၃ ပတ်လောက် ကြာဦးမယ် ထင်တယ်။ အခုလို စိတ်ရှည် လက်ရှည်နဲ. ပြီးတဲ့အထိ ဖတ်ရှုပေးတာကို ကျေးဇူးတင်ပါတယ်။ ဝေဖန် ထောက်ပြပေးနိုင်ရင် အများကြီး ပိုကျေးဇူးတင်ပါဦးမယ်]  :)


လိုရာခရီး ရောက်နိုင်ကြပါစေ။

ခွန်းချို

ဒီဇင်ဘာ ၁၂၊ ၂၀၁၀ (တနင်္ဂနွေနေ.)



<span> </span>
<span>မှီငြမ်း ကိုးကားချက်များ စာရင်း </span>

1. http://news.bbc.co.uk/2/hi/asia-pacific/261968.stm
2. www.redpepper.org.uk/Burma-crisis
3. www.aappb.org/2007_April_Eng.pdf
4. http://fmccb.tripod.com/abfsu.htm
5. http://www.irrawaddy.org/article.php?art_id=8410
6. http://www.aungsan.com/
7. http://burmadigest.wordpress.com/2006/07/02/seventh-july-student-massacre/
8. http://news.bbc.co.uk/2/hi/asia-pacific/4051235.stm
9. http://www.washingtonpost.com/wp-dyn/content/article/2008/07/19/AR2008071901609.html
10.  http://myamarnews.blogspot.com/2008/06/abfsu-aid-workers-remain-in-detention.html
11.  http://www.burmacampaign.org.uk/mkn_action.html
12.  http://peoplewinthrough.com/
13.  http://www.myanmar.gov.mm/Perspective/persp2002/4-2002/bio.htm
14.  http://www.time.com/time/magazine/article/0,9171,862231,00.html
15. http://www.myanmar.gov.mm/Article/Article2005/April05/April03.htm
16.  http://www.irrawaddymedia.com/article.php?art_id=683
17.  http://www.ftub.org/FTUBBackground
18.  Kyaw Zaw Win, A history of Burma Socialist Party (Ph.D thesis)
19.  Norman Nyun-Han, Burma’s Experiment In Socialism(Ph.D thesis)
20.  Nay Nyunt Ba Swe, A history of the Peoples’ Revolutionary Party (1939 – 1946), (M.A. thesis)
21.  Robert H.Taylor, “Burma” : Haruhiro Fukui (Editor-in-Chief), “Political Parties Of Asia And the Pacific” ,
22.  “Burma” , (British Empire History) edited by Sir Reginald Coupland.
23. http://www.ide.go.jp/English/Publish/Periodicals/De/pdf/74_04_03.pdf
24. Oliver Hensengerth (2005). “The Burmese Communist Party and the State-to-State Relations between China and Burma”
25.  International Confederation of Free Trade Unions (1987), “Violations of Trade Union Rights in Asia and the Pacific”
26.  `မြန်မာ့သမိုင်းဖတ်စာ၊ စတုတ္ထတန်း´ ၊ ပြည်ထောင်စု မြန်မာနိုင်ငံတော်အစိုးရ ပညာရေးဝန်ကြီးဌာန၊ အခြေခံပညာသင်ရိုးညွှန်းတမ်း၊ သင်ရိုးမာတိကာနှင့် ကျောင်းသုံးစာအုပ်ကော်မတီ
27.  သိန်းဖေမြင့်၊ `တော်လှန်ရေးကာလ နိုင်ငံရေးအတွေ.အကြုံများ´
28.  ကျော်ဇော်ဝင်း၊ `ပြည်သူ.လွတ်လပ်ရေး (ဆိုရှယ်လစ်)ပါတီသမိုင်း (၁၉၄၄ - ၁၉၄၈) ၊ မဟာဝိဇ္ဇာဘွဲ.ယူကျမ်း
29.  Khai Suu, “Burma badly needs trade unions for workers”  edited by Ye Yint Aung, an article on Mizzima news website as at February 12, 2010 (Friday)
30.  Khun Sam, “Historic Student Union ABFSU Revived in Burma” , an article on Irrawaddy news website as at August 28, 2007 (Tuesday)
31.  ခွန်းချို၊ `ဒီမိုကရေစီနှင့် စပ်လျဉ်းသော အရေးအသားများ (အပိုင်း - ၂)´
32.  Countless Articles on Wikipedia

Khun Cho

သမဂ္ဂများနှင့် စပ်လျဉ်းသော အရေးအသားများ (အပိုင်း - ၂)

၁းဝ ။      ။ မြန်မာနိုင်ငံတွင် တစ်ချိန်က ရှိခဲ့ဖူးသော အလုပ်သမားသမဂ္ဂ၊ ကျောင်းသားသမဂ္ဂတို.၏ သမိုင်းအနှစ်ချုပ်   

၁း၁ ။           ။ အလုပ်သမားသမဂ္ဂတို.၏ သမိုင်းကောက်ကြောင်း


(က) နိဒါန်း


                     ပြောချင်တာတွေ သိပ်များနေလို. အမှာစာမှာ မဆိုင်တာတွေရော ဆိုင်တာတွေရော နည်းနည်း ပေရှည်သွားတာကို သည်းခံပေးပါ။

                     အခုလို သမဂ္ဂတွေအကြောင်း ရေးရာမှာ လက်လှမ်းမီသလောက် ရရှိတဲ့ မြန်မာ့နိုင်ငံရေးသမိုင်း အထူးပြု မဟာဝိဇ္ဇာဘွဲ.ယူ ကျမ်း၊ ပါရဂူဘွဲ.ယူ ကျမ်း (Dissertations/ Theses) တချို.၊ စာအုပ်တချို.နဲ. ဆောင်းပါး (Article items) ပေါင်း ၄၀ လောက်ကိုပဲ နှစ်လကျော် ကြာ ဖတ်ရှုပြီး မှီငြမ်း ရေးသားခဲ့ပါတယ်။ တကယ်တော့ သမဂ္ဂဆိုတာ အထူးအဆန်းကိစ္စတော့ မဟုတ်။ မြန်မာ့နိုင်ငံရေးသမိုင်းမှာ (ကျောင်းသုံး ပြဌာန်း ဖတ်စာအုပ်တွေမှာ) တရားဝင် အသိအမှတ်ပြု ရေးသားခြင်း ခံရပြီး (လွတ်လပ်ရေး ရရှိရာမှာ အရေးပါခဲ့တဲ့အတွက်) ထည့်မပြောလို. မဖြစ်တဲ့ မှတ်မှတ်ရရအရှိဆုံး အဖြစ်အပျက်နှစ်ခုကတော့ ဆရာစံ အရေးတော်ပုံ (၁၉၃၀) နဲ. ၁၃၀၀ ပြည့် အရေးတော်ပုံ (ခရစ်နှစ် ၁၉၃၈-၁၉၃၉ တွင် ဖြစ်ပွားခဲ့သော တောင်သူလယ်သမား၊ အလုပ်သမား၊ ကျောင်းသားတို. ပါဝင်သော သပိတ်မှောက်ပွဲများ) ဖြစ်ပါတယ်။ ကိုလိုနီစနစ်ရဲ. ဖိနှိပ်ချုပ်ချယ်မှု အမျိုးမျိုးတို.ကြောင့် သပိတ်မှောက်ပွဲတွေ အကြိမ်ကြိမ် ပေါ်ပေါက်ခဲ့တယ်။ အဲဒီအရေးတော်ပုံနှစ်ခုဟာ လက်နက်မပါ၊ စစ်တပ်မပါဘဲ တော်လှန်ခဲ့တာကြောင့် ကျရှုံးခဲ့ရတာ ဖြစ်တယ်လို. ပြည်သူ.တော်လှန်ရေးပါတီက သုံးသပ်ပြီး ပြည်ပလက်နက်အကူအညီတွေဟာ တိုင်းပြည် လွတ်လပ်ရေး ရရှိဖို.အတွက် မရှိမဖြစ် လိုအပ်ချက်တွေလို. သိမြင်ခဲ့ကြတယ်။ အရေးတော်ပုံတို.ရဲ. နောက်ဆက်တွဲ ကောင်းကျိုးတစ်ခုကတော့ အလုပ်သမားသမဂ္ဂတွေ ပေါ်ပေါက်လာခဲ့တာပဲ ဖြစ်ပါတယ်။


(ခ) ဗမာနိုင်ငံလုံးဆိုင်ရာ အလုပ်သမားသမဂ္ဂ ကွန်ဂရက်


                      ဗမာနိုင်ငံလုံးဆိုင်ရာ အလုပ်သမားသမဂ္ဂကွန်ဂရက် (All Burma Trade Union Congress) (ABTUC) ကို ၁၉၄၀၊ ဇန်န၀ါရီ ၃၀ ရက်နေ.မှာ သခင်လေးမောင်နဲ. သခင်ဘတို.က ဦးဆောင် ဖွဲ.စည်းခဲ့တယ်။ ၁၉၃၉၊ ဇူလိုင်လမှာ သခင်တွေ ဦးဆောင်ကျင်းပခဲ့တဲ့ ဗမာနိုင်ငံလုံးဆိုင်ရာ အလုပ်သမားညီလာခံကနေ ABTUC မြစ်ဖျားခံလာခဲ့တယ်။ ၁၉၄၀၊ သြဂုတ်မှာတော့ ABTUC ဟာ သူတို.ရဲ. ရည်မှန်းချက်တွေအကြောင်း ပြည်သူလူထုကို ထုတ်ဖော် ကြေညာခဲ့ပြီး လူမျိုးတိုင်း တန်းတူညီမျှရေး၊ ကျား/မ မခွဲခြားရေး၊ လူမှုဘ၀ သက်သာချောင်ချိ ဖူလုံရေး၊ အနိမ့်ဆုံး လုပ်ခ လစာငွေ သတ်မှတ်နိုင်ရေး၊ အလုပ်ချိန် သတ်မှတ် ထိန်းညှိနိုင်ရေး၊ ပိုမိုကောင်းမွန်တဲ့ လုပ်ငန်းခွင် အခြေအနေများ ဖန်တီးပေးနိုင်ရေးနဲ. ကုန်ထုတ်လုပ်မှု၊ ဖြန်.ချီမှု၊ အရောင်းအ၀ယ် လည်ပတ်မှုတွေကို လူမှုပတ်ဝန်းကျင်အတွင်း မျှတ ၀င်ဆံ့စေခြင်းဖြင့် ဆိုရှယ်လစ်တိုင်းပြည်သစ်တစ်ခု တည်ဆောက်နိုင်ရေးတို.အထိ ပါဝင်ပါတယ်။ ၁၉၄၁ ခုနှစ်၊ မတ်လမှာ ABTUC ကို သခင်ဘဟိန်းနဲ. သခင်ဘတင်တို.က ပြန်လည်ဖွဲ.စည်းခဲ့တယ်။ အစောပိုင်းကာလတွေမှာ (ဦး)ဘဆွေဟာ ABTUC ရဲ. ကန်.လန်.ကာ နောက်ကွယ်ကနေ အရေးပါ ထင်ရှားတဲ့ ပုဂ္ဂိုလ်တစ်ဦး ဖြစ်ခဲ့တယ်။

                       ဒါပေမဲ့ ဒုတိယကမ္ဘာစစ်ကာလအတွင်း ဖက်ဆစ်ဂျပန်တို.က ဗမာပြည်ကို သိမ်းပိုက်ပြီးတဲ့နောက် ABTUC ရဲ. လှုပ်ရှားဆောင်ရွက်မှုတွေအားလုံး ရုတ်သိမ်း ရပ်ဆိုင်းခြင်း ခံခဲ့ရပြီး အလုပ်သမားသမဂ္ဂ ဖွဲ.စည်းခွင့်နဲ. အလုပ်သမားရပိုင်ခွင့်တွေကို ပိတ်ပင်ခဲ့ကြတယ်။ ဒုတိယကမ္ဘာစစ်အပြီး ၁၉၄၅ ခုနှစ်၊ မေ ၂၄ မှာ သခင်ကျော်စိန်နဲ. သခင်လှကြွယ်တို.က ABTUC ကို ပြန်လည်ဖွဲ.စည်းခဲ့တယ်။ ၁၉၄၅၊ ဇွန်လ ၁ ရက်နေ.မှာ ဗမာပြည်ကွန်မြူနစ်ပါတီရဲ. ထင်ရှားတဲ့ ခေါင်းဆောင်တစ်ဦး ဖြစ်သူ သခင်ဘဟိန်းကို ABTUC ရဲ. ဥက္ကဌအဖြစ် တင်မြှောက်ခဲ့တယ်။ အဲဒီအချိန်မှာ လက်အောက်ခံ အလုပ်သမားသမဂ္ဂအဖွဲ.ပေါင်း ၁၄ ဖွဲ.တို.က ဆက်နွယ်ပေါင်းစည်းလာပြီး အဖွဲ.၀င်အင်အား စုစုပေါင်း ၁၁, ၅၀၀ အထိ ဖြစ်လာခဲ့တယ်။ ၁၉၄၅၊ ဇူလိုင် ၉ ရက်နေ.မှာ ကမ္ဘာ.အလုပ်သမားသမဂ္ဂအဖွဲ.ချုပ်ထံ အဖွဲ.၀င်ခွင့် တောင်းခံခဲ့တယ်။ ၁၉၄၆၊ သခင်ဘဟိန်း ကွယ်လွန်အပြီးမှာ ဘင်္ဂလီလူမျိုး သခင်ဘတင် (ခေါ်) ဂိုရှယ် (H.N.Ghoshal) ယာယီခေါင်းဆောင် ဖြစ်လာတယ်။ (သခင်ဘတင်ဟာ ဗမာပြည်ကွန်မြူနစ်ပါတီရဲ. အစောပိုင်းခေါင်းဆောင်တစ်ဦးလည်း ဖြစ်တယ်)

                       ၁၉၄၆၊ ဇူလိုင်လ၊ သခင်သန်းထွန်းရဲ. ဦးဆောင်မှုအောက်မှာ ABTUC ဟာ ဖဆပလအစိုးရရဲ. ဖိနှိပ်ချုပ်ချယ်မှုတွေအပေါ် ဆန်.ကျင် သပိတ်မှောက်မှုတွေ ဆက်တိုက် ပြုလုပ်ခဲ့ပြီး စက်တင်ဘာမှာတော့ အထွေထွေ သပိတ်ကြီးကို ဆင်နွှဲခဲ့ကြတယ်။ သပိတ်မှောက်ပွဲမှာ အစိုးရဌာန ၀န်ထမ်းတွေလည်း ပါဝင်လာခဲ့တယ်။ ဒီမိုကရေစီအခွင့်အရေးတွေ တောင်းဆိုခဲ့ကြတဲ့အပြင် နယ်ချဲ.ဆန်.ကျင်ရေး သဘောထားတွေကိုလည်း ပြသခဲ့ကြပြီး၊ တောင်သူလယ်သမားထုရဲ. ရုန်းကန်နေရမှုတို.နဲ. တစ်သားတည်း ကျစေဖို.ကိုပါ တောင်းဆိုခဲ့ကြတယ်။

                       လွတ်လပ်ရေးရပြီး ၁၉၄၈၊ မတ်လမှာတော့ ABTUC ဟာ ဗြိတိသျှပိုင် စက်မှုလုပ်ငန်းတွေ၊ စက်ရုံ၊ အလုပ်ရုံတွေ၊ သင်္ဘောကျင်းတွေမှာ လုပ်ကိုင်နေတဲ့ အလုပ်သမားတွေကို အထွေထွေ သပိတ်မှောက်ကြဖို. စည်းရုံး ဆော်သြခဲ့ကြတယ်။ တပ်မတော်အင်အားစုတွေဟာ အဲဒီသပိတ်ပွဲကို နှိမ်နင်းဖို. လှုံ.ဆော်ခြင်း ခံခဲ့ရတယ်။ သပိတ်မှောက်အလုပ်သမားတွေခမျာ တိုက်ခိုက်ခံရပြီး လူပေါင်း ၁၀၀ ကျော် ဒဏ်ရာ ရရှိခဲ့ကြတယ်။ အဲဒီအဖြစ်အပျက်တွေလည်း ပြီးရော ဗမာပြည်ကွန်မြူနစ်ပါတီဟာ လက်နက်ကိုင် တိုက်ပွဲဝင်ဖို. စတင် ပြင်ဆင်လာခဲ့ကြတော့တယ်။ အဲလိုနဲ. ဗမာပြည်ကွန်မြူနစ်ပါတီကို အစိုးရက နှိမ်နင်း ဖြိုခွင်းဖို. ကြိုးစားလာခဲ့တဲ့နောက်ပိုင်းမှာတော့ ဗမာနိုင်ငံလုံးဆိုင်ရာ အလုပ်သမားသမဂ္ဂ ကွန်ဂရက် (ABTUC) လည်း ဖျက်သိမ်းခြင်း ခံခဲ့ရပါတော့တယ်။    


(ဂ) အလုပ်သမားသမဂ္ဂ ကွန်ဂရက် (ဗမာ)


                       အလုပ်သမားသမဂ္ဂ ကွန်ဂရက် (ဗမာ) [Trade Union Congress (Burma)] [TUC(B)] ကို ၁၉၄၅၊ နိုဝင်ဘာလမှာ ဆိုရှယ်လစ်ပါတီက ဖဆပလအဖွဲ.ချုပ်ရဲ. အကူအညီနဲ. တည်ထောင်ခဲ့ပြီး ကွန်မြူနစ်တို. ဦးဆောင်လာတဲ့ ABTUC ရဲ. လွှမ်းမိုးမှုကို တန်ပြန် တွန်းလှန်နိုင်ရန်ရည်ရွယ်ချက်နဲ. တည်ထောင်ခဲ့တဲ့ ဗဟိုအလုပ်သမားသမဂ္ဂတစ်ခု ဖြစ်ပါတယ်။ TUC(B) ရဲ. ပထမဆုံးဥက္ကဌက ဒီးဒုတ်ဦးဘချို ဖြစ်ပြီး TUC(B) ဟာ ဖဆပလအစိုးရရဲ. လက်အောက်ခံ အဖွဲ.အစည်းတစ်ခုအဖြစ် ရပ်တည်ခဲ့တယ်။

                       ၁၉၄၉ ခုနှစ်မှာ သခင်လွင် ဥက္ကဌ ဖြစ်လာပြီး သူ.ရဲ. ဦးဆောင်မှုအောက်မှာ TUC(B) ဟာ ကွန်မြူနစ်လမ်းကြောင်းပေါ် သိသိသာသာ ဦးတည်လာခဲ့တော့တယ်။ ကမ္ဘာ.အလုပ်သမားအဖွဲ.ချုပ်မှာ အဖွဲ.၀င်သင့်၊ မ၀င်သင့် အပေါ် အငြင်းပွားခဲ့ကြတာတွေကို ကြည့်ရင် TUC(B) ရဲ. ကွန်မြူနစ်အရွေ.ကို တွေ.မြင်နိုင်တယ်။ ၁၉၅၀၊ အလုပ်သမားနေ. (May Day) လူထုစုဝေးပွဲကြီးမှာ TUC(B) အဖွဲ.၀င်တွေဟာ ကားလ်မာ့က်စ်၊ အိန်ဂျယ်စ်၊ လီနင်၊ စတာလင်၊ မော်ဇီတုံးတို.ရဲ. ရုပ်ပုံကြီးတွေကို ကိုင်ဆောင် ဆန္ဒပြခဲ့ကြတယ်။ အဲဒီနေ. လူထုကို ပြောတဲ့ မိန်.ခွန်းထဲမှာ သခင်လွင်က TUC(B) ဟာ ကွန်မြူနစ်ပါတီလမ်းကြောင်းကို လျှောက်လှမ်းတော့မှာ ဖြစ်ကြောင်း၊ ကမ္ဘာ.အလုပ်သမားအဖွဲ.ချုပ်သို. အဖွဲ.၀င်မှာ ဖြစ်ကြောင်းတို.ကို ပြောကြားခဲ့ပြီး ဗြိတိသျှတို.ရဲ. ဘဏ္ဍာရေးအထာက်အပံ့တွေ လက်ခံရယူနေတဲ့ ဗမာအစိုးရရဲ. မူဝါဒကို အပြစ်တင် ရှုတ်ချခဲ့တယ်။ ထူးဆန်းတာက သူ.မိန်.ခွန်းထဲမှာ အလံဖြူကွန်မြူနစ်ပါတီ၊ အလံနီကွန်မြူနစ်ပါတီနဲ. ဂျိုးဇစ်ဘရော့စ်တီတို တို.ကို `ဖောက်ပြန်ရေးသမားတွေ´ လို. ပြောခဲ့တာပဲ ဖြစ်တယ်။ သခင်လွင်ရဲ. မိန်.ခွန်းကြောင့် ဆိုရှယ်လစ်ပါတီတွင်း အကွဲအပြဲဇာတ်လမ်းတွေအကြောင်း လူသိထင်ရှား ဖြစ်လာခဲ့တော့တယ်။

                       သခင်လွင်ရဲ. အလုပ်သမားနေ. မိန်.ခွန်းကြောင့် နိုင်ငံရေးဂယက်ရိုက်ခတ်မှု ကြီးမားခဲ့ပေမယ့် ဆိုရှယ်လစ်ပါတီနဲ. ဖဆပလတို.က သူ.ကို အပြစ်ပေး၊ အရေးယူတာမျိုးတော့ မလုပ်ခဲ့ဘူး။ ဒါပေမဲ့ TUC(B) ရဲ. ဒုတိယဥက္ကဌ တစ်ဖြစ်လဲ ဖဆပလ ပါလီမန်အဖွဲ.၀င်ဖြစ်သူ သခင်လှကြွယ်က ၁၉၅၀၊ စက်တင်ဘာမှာ အစိုးရရဲ. ကိုရီးယားစစ်ပွဲအပေါ် ထောက်ခံမှုကို ပြင်းပြင်းထန်ထန် ပုတ်ခတ် ရှုတ်ချလာတဲ့အခါ TUC(B) ကို ဖဆပလအဖွဲ.က ရပ်ဆိုင်းထားလိုက်တော့တယ်။ TUC(B) ကို ဖဆပလနဲ. ပြန်လည် ပူးပေါင်းလာနိုင်ဖို.အတွက် သခင်လွင်နဲ. သခင်လှကြွယ်တို.ကို သူတို.ရာထူးတွေကနေ ဖယ်ရှားပေးဖို. ဖဆပလ က တောင်းဆိုခဲ့တယ်။ အဲဒီနောက်မှာတော့ သခင်လွင်နဲ. အပေါင်းအပါ လက်ဝဲယိမ်းဝါဒီတို.ဟာ ဆိုရှယ်လစ်ပါတီမှ ခွဲထွက်ပြီး ဗမာနိုင်ငံအလုပ်သမားများနှင့် တောင်သူလယ်သမားများပါတီ (Burma Workers and Peasants Party) (BWPP) ကို ဖွဲ.စည်းခဲ့ကြတယ်။ ၁၉၅၁ ခုနှစ်မှာတော့ ဆိုရှယ်လစ်ခေါင်းဆောင် ဦးဘဆွေက TUC(B) ရဲ. ဥက္ကဌ ဖြစ်လာခဲ့တယ်။        


(ဃ) တခြားသော အလုပ်သမားသမဂ္ဂတချို.



အလံနီအလုပ်သမားသမဂ္ဂများ (Red Flag Labour Unions) ။               ။ အလံနီကွန်မြူနစ်ပါတီဆိုတာ လွတ်လပ်ရေးမတိုင်မီခေတ်က ဗမာပြည်ကွန်မြူနစ်ပါတီကနေ ခွဲထွက်လာခဲ့တဲ့ ကွန်မြူနစ်ပါတီတစ်ခုဖြစ်ပါတယ်။ ခွဲထွက်လာခဲ့ပြီးနောက်မှာတော့ သမဂ္ဂတွေ ဖွဲ.စည်းခဲ့တယ်။ အလုပ်သမားသမဂ္ဂလှုပ်ရှားမှုတွေ ပြုလုပ်ခဲ့တယ်။


အလံနီလယ်သမားများသမဂ္ဂ (Red Flag Cultivators Unions) ။                ။ တောင်သူလယ်သမားလှုပ်ရှားမှုဖြစ်တယ်။ လယ်ငှားခတွေ၊ အခွန်တွေ မပေးဆောင်ဖို. နှိုးဆော်ခဲ့တဲ့ လယ်သမားသမဂ္ဂဖြစ်တယ်။ ၁၉၄၆၊ ဇူလိုင် ၃ ရက်နေ.မှာတော့ အလံနီသမဂ္ဂတွေအားလုံးကို ဗမာပြည်ရဲ. ဗြိတိသျှဘုရင်ခံ ဆာဟင်နရီနိုက်ထ် (Sir Henry Knight) က ပိတ်ပင် ဖျက်သိမ်းခဲ့တယ်။


ဗမာ့အလုပ်သမားသမဂ္ဂကွန်ဂရက် (Burma Trade Union Congress) (BTUC) ။              ။ ဗဟိုအလုပ်သမားသမဂ္ဂအဖွဲ.အစည်းတစ်ခု ဖြစ်တယ်။ ၁၉၅၀ ခုနှစ်မှာ ဗမာနိုင်ငံအလုပ်သမားများနှင့် တောင်သူလယ်သမားများပါတီ (BWPP) ရဲ. အလုပ်သမားသမဂ္ဂ ဂိုဏ်းခွဲတစ်ခုအနေနဲ. [TUC(B) နဲ. ဆိုရှယ်လစ်ပါတီကနေ ခွဲထွက်လာတဲ့) သခင်လှကြွယ်နဲ. သခင်လွင်တို.က တည်ထောင်ခဲ့ကြတယ်။ [BTUC ကို TUC(B) နှင့် မရောထွေးစေလိုပါ။ TUC(B) ကို ဆိုရှယ်လစ်ပါတီက ဖွဲ.စည်းခဲ့တာ ဖြစ်ပါတယ်)


ဗမာသင်္ဘောသားများသမဂ္ဂ (Seafarers Union of Burma) (SUB)  ။               ။ ပြည်ပရောက် အလုပ်သမားသမဂ္ဂတစ်ခု ဖြစ်တယ်။ နိုင်ငံတကာ သင်္ဘောကုန်စည်ပို.ဆောင်ရေး လုပ်ငန်းတွေမှာ လုပ်ကိုင်နေသူ မြန်မာလူမျိုး (ခန်.မှန်းခြေ) ၃ သောင်းခန်.ကို ကိုယ်စားပြုထားတယ်။ လုပ်ငန်းခွင်အခြေအနေ နိမ့်ကျပြီး လုပ်ခလစာငွေ နည်းပါးစွာ ရရှိ ၊ ဒုက္ခရောက်နေကြတဲ့ (Flag of Convenience) သင်္ဘောမျိုးတွေမှာ အလုပ်လုပ်ကိုင်နေကြရသူတွေကို အဓိက ကိုယ်စားပြုထားတဲ့ သမဂ္ဂဖြစ်တယ်။ (Flag of Convenience ဆိုတာ အကောက်ခွန်သက်သာပြီး ဥပဒေအရ အခွင့်သာတဲ့ နိုင်ငံတွေမှာ မှတ်ပုံတင်ထားလို. လွှင့်ထူရတဲ့ အဲဒီနိုင်ငံရဲ. အလံ ။ အဲဒီအလံကို လွှင့်ထူထားတဲ့ သင်္ဘောပေါ့) ၁၉၉၁ ခုနှစ်မှာ ဒုက္ခသည် မြန်မာသင်္ဘောသားတို.က စတင်တည်ထောင်ခဲ့တဲ့ SUB ဟာ မြန်မာနိုင်ငံမှာ အပိတ်ခံထားရပေမယ့် မြန်မာသင်္ဘောသားများရဲ. တရားဝင် ကိုယ်စားလှယ်အဖြစ် နိုင်ငံတကာ သင်္ဘောသားများ သမဂ္ဂအဖွဲ.တို.ရဲ. အသိအမှတ်ပြု၊ ထောက်ခံမှုကို ရရှိထားပြီး နိုင်ငံတကာ ပို.ဆောင်ရေးလုပ်သားများ အဖွဲ.ချုပ် (International Transport Workers Federation) (ITF) ရဲ. အဖွဲ.၀င် သမဂ္ဂလည်း ဖြစ်ပါတယ်။


မြန်မာနိုင်ငံအလုပ်သမားသမဂ္ဂများအဖွဲ.ချုပ် (Federation of Trade Unions – Burma) (FTUB) ။           ။ ၁၉၉၁ ခုနှစ်မှာတော့ ၈ လေးလုံး အရေးအခင်းကြီးမှာ ပါဝင်ခဲ့ကြတဲ့ ပြည်ပရောက် မြန်မာအလုပ်သမားတွေနဲ. ကျောင်းသားတို.က မြန်မာနိုင်ငံအလုပ်သမားသမဂ္ဂများအဖွဲ.ချုပ် (FTUB) ကို ဖွဲ.စည်းခဲ့ကြပါတယ်။ FTUB ရဲ. လက်ရှိ ဥက္ကဌက ၁၉၉၀ ရွေးကောက်ပွဲမှာ ပြည်သူ.ကိုယ်စားလှယ်အဖြစ် ရွေးမြှောက်ခံခဲ့ရသူ ဦးလှဦး ဖြစ်ပြီး အထွေထွေ အတွင်းရေးမှူးချုပ်ကတော့ ဦးမောင်မောင် ဖြစ်ပါတယ်။ ထိုင်း၊ အမေရိကန်၊ ဂျပန်နိုင်ငံနဲ. သြစတြေးလျနိုင်ငံတို.မှာ FTUB ရဲ. ရုံးခန်းခွဲတွေ တည်ရှိပြီး နိုင်ငံတကာ အလုပ်သမားသမဂ္ဂ အဖွဲ.အစည်း (International Trade Union Confederation) (ITUC) သို. အဖွဲ.၀င်ထားတဲ့အပြင် သြစတြေးလျ အလုပ်သမားသမဂ္ဂများ ကောင်စီ (Australian Council of Trade Unions) (ACTU) နဲ. အမေရိကန် အလုပ်သမားအဖွဲ.ချုပ် - စက်မှုလုပ်ငန်းအဖွဲ.များကွန်ဂရက် (American Federation of Labour and Congress of Industrial Organizations) (AFL-CIO) တို.ရဲ. အသိအမှတ်ပြု၊ ထောက်ပံ့မှုတွေကို ရရှိထားပါတယ်။ လက်ရှိမှာ FTUB ဟာ ဗမာ့ လက်ရက်ကန်း အလုပ်သမားများ သမဂ္ဂ (Handloom Workers Union – Burma) နဲ. ဗမာသင်္ဘောသားများသမဂ္ဂ (SUB) တို.အပါအ၀င် သမဂ္ဂပေါင်း ၉ ခုနဲ. ဆက်နွယ် လုပ်ကိုင်နေပြီး သမဂ္ဂဖွဲ.စည်းမှုများ တွင်ကျယ်လာရေး၊ လွတ်လပ်မှု၊ ဒီမိုကရေစီ၊ အလုပ်သမားသမဂ္ဂ ရပိုင်ခွင့်များ၊ လူ.အခွင့်အရေး ရပိုင်ခွင့်များအတွက် ဦးတည် ဆောင်ရွက်လျက် ရှိပါတယ်။ FTUB ဟာ တိုင်းရင်းသားညီအစ်ကို မောင်နှမတို.အတွက်လည်း သမဂ္ဂ၀ါဒ ကို ဖြန်.ဖြူးပေးနိုင်ခဲ့တာ တွေ.ရတယ်။ ကရင် ပညာရေးအလုပ်သမားများ သမဂ္ဂ၊ ကရင် ကျန်းမာရေးအလုပ်သမားများ သမဂ္ဂနဲ. ကရင် လယ်ယာစိုက်ပျိုးရေး သမဂ္ဂတွေနဲ. ပေါင်းစပ်ဖွဲ.စည်းထားတဲ့ ကော်သူးလေ အလုပ်သမားသမဂ္ဂများ အဖွဲ.ချုပ် (Federation of Trade Unions – Kawthoolei) (FTUK) ဟာ ၁၉၉၈၊ အောက်တိုဘာလမှာ ပေါ်ပေါက်လာခဲ့တယ်။ ကရင်နီ ဆရာ၊ ဆရာမများသမဂ္ဂ၊ ကရင် ရွှေ.ပြောင်းအလုပ်သမားများသမဂ္ဂ (Migrant Karen Labour Union) နဲ. ကရင်နီ လယ်သမားများသမဂ္ဂတို.ကလည်း ဒေသခံလူမျိုးတို.ရဲ. အခြေခံ အလုပ်သမား ရပိုင်ခွင့်၊ လူ.အခွင့်အရေး ရပိုင်ခွင့်နဲ. သမဂ္ဂများ လွတ်လပ်ခွင့်တို.အတွက် လုပ်ကိုင် ဆောင်ရွက် ပံ့ပိုးပေးလျက် ရှိပါတယ်။


(င) နိဂုံး                          


                       ၁၉၄၅ - ၁၉၆၂ အတွင်း နိုင်ငံရေး အရှုပ်အထွေး၊ အကွဲအပြဲမျိုးစုံ ဖြစ်ခဲ့ပေမယ့် ABTUC နဲ. TUC(B) တို.လို လွတ်လပ်တဲ့ အလုပ်သမားသမဂ္ဂတွေ တရားဝင် ဖွဲ.စည်းခွင့် ရခဲ့စဉ်တုန်းက အလုပ်သမားတို.ရဲ. ရပိုင်ခွင့်တွေ၊ လုပ်ငန်းခွင် ပြဿနာတွေ၊ အလုပ်ရှင်၊ အလုပ်သမားနဲ. အစိုးရကြား ညှိနှိုင်း ဖြေရှင်းမှုတွေ ပြုလုပ်ပေးနိုင်ခဲ့လို. အရေးပါတဲ့ သမဂ္ဂတွေ ဖြစ်ခဲ့ပါတယ်။

                       ကံဆိုးမှုတွေအားလုံး အစပြုခဲ့တဲ့ ၁၉၆၂ ခုနှစ်မှာ အာဏာရှင်ဟောင်း ဦးနေ၀င်းရဲ. မြန်မာ့ဆိုရှယ်လစ်လမ်းစဉ်ပါတီ (မဆလ/ Burmese Socialist Program Party/ BSPP) တစ်ဖြစ်လဲ တပ်မတော်အုပ်ချုပ်ရေးဆိုတာကြီးက အလုပ်သမားသမဂ္ဂ အပါအ၀င် လွတ်လပ်တဲ့ ဘယ်လို သမဂ္ဂမျိုးကိုမဆို ဖွဲ.စည်းခွင့် မပြုတော့ဘဲ ပိတ်ပင် ရပ်ဆိုင်းခဲ့ပါတော့တယ်။ (အပိတ်ခံရတဲ့ထဲမှာ လွတ်လပ်တဲ့ ဂျာနယ်လစ်တွေလည်း ပါတယ်) အစိုးရဌာနတွေကသာ ထိန်းချုပ်ကွပ်ကဲတဲ့ အလုပ်သမား၊ လယ်သမား အစည်းအရုံးတွေကိုတော့ ဖွဲ.စည်းစေခဲ့တယ်။

                       ၁၉၈၈ ခုနှစ် ၊ မဆလ ဒဏ်ကို ၂၆ နှစ်ကြာ ခံစားခဲ့ရပြီးနောက် သမိုင်းမှာ လျစ်လျူရှု ၊ ချန်ရစ်လို. မရနိုင်တဲ့ ၈ လေးလုံး အရေးအခင်းကြီး ဖြစ်လာခဲ့တဲ့အချိန်မှာတော့ ကျောင်းသားတွေရော အလုပ်သမားတွေရော တက်ကြွ ပါဝင် လှုပ်ရှား ဆန္ဒပြခဲ့ကြတယ်။ အရေးအခင်းကာလအတွင်း စစ်တပ်နဲ. ရဲတပ်ဖွဲ.တွေအပါအ၀င် အစိုးရဌာနအားလုံးမှာ အလုပ်သမားသမဂ္ဂတွေ ဖွဲ.စည်းလာခဲ့ကြတယ်။ ၁၉၈၈၊ စက်တင်ဘာလမှာ ဗမာနိုင်ငံလုံးဆိုင်ရာ အလုပ်သမားသမဂ္ဂ (All Burma Labor Union) ကို ရန်ကုန်မြို. ၊ လှည်းတန်းက ထန်းတပင် အထက်တန်းကျောင်းမှာ ဖွဲ.စည်းခဲ့ပြီး ဆက်သွယ်ရေးသမဂ္ဂ ကိုယ်စားပြုသူ ဦးခင်ကျော်က ဥက္ကဌအဖြစ် ရွေးမြှောက်ခံရတယ်။ အလုပ်သမားသမဂ္ဂတွေလည်း ကျောင်းသားသမဂ္ဂရဲ. နှိုးဆော်မှုနဲ.အညီ အလုပ်တွေ ရပ်ပြီး ဆန္ဒပြပွဲတွေမှာ ပါဝင်လာခဲ့ကြတယ်။ မကြာခင် အဲဒီလထဲမှာပဲ စစ်တပ်ကို စစ်တပ် (ဗိုလ်ချုပ်စောမောင်) ကပဲ အာဏာသိမ်းခဲ့ပြီးနောက်မှာတော့ သမဂ္ဂတွေအားလုံးလည်း မတရားအသင်းတွေအဖြစ် ကြေညာခြင်း ခံခဲ့ရပြီး သမဂ္ဂခေါင်းဆောင်တွေလည်း နုတ်ထွက်ဖို. ဖိအားပေးခံရတာတစ်မျိုး၊ အဖမ်းခံရတာတစ်ဖုံ မျိုးစုံ ကြုံခဲ့ကြရတော့တယ်။

                        အခု ရေးခဲ့သမျှဟာတွေအားလုံးကတော့ လက်လှမ်းမီသလောက် သိရှိထားတဲ့ အလုပ်သမားသမဂ္ဂတို.ရဲ. သမိုင်းအကျဉ်းချုပ်မျှသာ ဖြစ်ပါတော့တယ်။

[စာကြွင်း - ထိုင်းနိုင်ငံ၊ မဲဆောက်မြို. အခြေစိုက် ရောင်ခြည်ဦး အလုပ်သမား အဖွဲ.တစ်ခု ရှိသေးတယ်။ ရောင်ခြည်ဦးအဖွဲ.ရဲ. လက်ရှိ အထွေထွေ အတွင်းရေးမှူးက ဦးမိုးဆွေ ဖြစ်ပါတယ်။ အချက်အလက် အမှားအယွင်းများ ရှိပါက (သို.) ထပ်မံ ဖြည့်စွက်သင့်တယ်လို. ယူဆပါက အားမနာတမ်း ပြောပြပေးကြပါဦးလို. မေတ္တာရပ်ခံလိုပါတယ်]

Khun Cho

သမဂ္ဂများနှင့် စပ်လျဉ်းသော အရေးအသားများ (အပိုင်း - ၁)

လူငယ်တစ်ယောက်ရဲ. ဖြောင့်ချက်တချို. (ရောက်တတ်ရာရာ အမှာစာ)


                       ဘာမှ မရေးခင် အရင်ဆုံး ၀န်ခံချင်တာကတော့ အသင်းအဖွဲ.တွေ၊ သမဂ္ဂတွေနဲ. ပတ်သက်ပြီး (အထူးသဖြင့် မြန်မာ့နိုင်ငံရေးသမိုင်းနဲ. ပတ်သက်ပြီး) ကျွန်တော့်မှာ ဗဟုသုတ တော်တော့်ကို နည်းပါးတယ်ဆိုတဲ့အကြောင်း။ မွေးကတည်းက တော်တော်ကြီးတဲ့အထိ ကုလသမဂ္ဂဆိုတာကလွဲလို. တခြား ဘာ သမဂ္ဂမှ မကြားဖူးခဲ့။ “Union” ဆိုတဲ့ စကားလုံးကိုတောင် “The Soviet Union”  “European Union”  နဲ. “Union of Myanmar (Burma)” မှာကလွဲလို. တခြား ဘယ်မှာမှ မတွေ.မိခဲ့။ အလုပ်သမားသမဂ္ဂဆိုတာ မသိ (မရှိအောင် လုပ်ထားတော့ ရှိမှ မရှိတာ၊ ဘယ်လိုလုပ် သိနိုင်ဦးမှာတုန်း) ၊ အမေရိကန်တက္ကသိုလ်တွေမှာသာ များသောအားဖြင့် ရှိတတ်တဲ့ “Fraternity” ၊ “Sorority” ဆိုတာတွေလည်း မကြားဖူး၊ ကျောင်းသားသမဂ္ဂဆိုတာလည်း ဝေလာဝေးပေါ့။ ဒါပေမဲ့ ပြောဖို. အင်မတန်ကို အရေးတကြီး လိုအပ်နေတယ် ယူဆမိလို. (ဘာမှ သိပ်မသိသေးဘဲ) မနေနိုင် မထိုင်နိုင် ၀င်ပြောမိပါတယ်။ သိသလောက်၊ လက်လှမ်းမီသလောက်လေးအပေါ်မှာသာ အခြေခံပြီး ရေးဖြစ်ပါတယ်။ ကျွန်တော့်ထက် များစွာ သိကျွမ်း နှံ.စပ်သူများ၊ အတွေ.အကြုံ ဗဟုသုတ ကြွယ်ဝသူများအနေနဲ. လိုအပ် ချွတ်ချော်တာများကို ဖြည့်စွက် ထောက်ပြပေးကြပါလို. ဦးစွာ မေတ္တာရပ်ခံ/ တိုက်တွန်းလိုပါတယ်။ ကျွန်တော်ဟာ ကိုယ့်တိုင်းပြည်ကို လမ်းကြောင်းမှန်ပေါ် ရောက်စေချင်တဲ့ သာမန်မြန်မာနိုင်ငံသား ကျောင်းသားလူငယ်တစ်ယောက်မျှသာ ဖြစ်ပါတယ်။ (Library Membership တွေကလွဲလို.) တခြား ဘယ်နိုင်ငံရေးပါတီဝင်၊ အသင်းအဖွဲ.၀င်၊ လူကြီး သားသမီး၊ အစိုးရ၀န်ထမ်း၊ သြဇာလက်ဝေခံ…….ဘာဆို ဘာတစ်ခုမှ မဟုတ်ပါ။ နိုင်ငံရေးနဲ. နိုင်ငံရေးသမိုင်းကြောင်းတွေကို သာမန်စိတ်ဝင်စားသူ ကဗျာဝါသနာရှင် လူငယ်တစ်ယောက်မျှသာ။ သွေးထိုး သွေးခွဲ အပုပ်ချသော အရေးအသားမျိုးလည်း တစ်ခါမျှ မရေးခဲ့မိဖူးပါ။ (ရေးသွားမှာလည်း မဟုတ်ပါ) ကျွန်တော့်အရေးအသားအားလုံးအတွက် တာဝန်ယူရဲသလို အဝေဖန်ခံရဲပါတယ်။ Facebook ပေါ်မှာ “Khun Cho” ကလွဲလို. တခြား Account ခွဲ မရှိသလို နာမည်အရင်း၊ ကိုယ်ပိုင်ဓာတ်ပုံအစစ်နဲ.သာ ကိုယ်တိုင် စာရေးနေခြင်း ဖြစ်ပါတယ်။ အခု ရေးမှာတွေဟာ ဒီမိုကရေစီနဲ. လုံးဝကြီးကို အရေးတကြီး တိုက်ရိုက် သက်ဆိုင်နေပါတယ်။ ကျွန်တော် ပြုစုခဲ့တဲ့ `ဒီမိုကရေစီနှင့် စပ်လျဉ်းသော အရေးအသားများ (အပိုင်း - ၂)´ ထဲမှာလည်း အခုလို ရေးထားခဲ့ပါတယ်။

“ဖွံ.ဖြိုးတိုးတက်သော လူ.ဘောင်အဖွဲ.အစည်း (Civil Society) ။            ။

အကျဉ်းချုံးပြောရလျှင် NGO များ၊ သမဂ္ဂများ (Unions)၊ ပညာရပ်ဝန်းများ (Academia)၊ လူ.အခွင့်အရေးဆိုင်ရာ အဖွဲ.အစည်း (Human Rights Organizations) များသည် တိုးတက်သော လူ.အဖွဲ.အစည်း ရှေးရှုရာတွင် လိုအပ်သည်။ လူမှုကွန်ရက် (Social Networks) များ တည်ဆောက်ကြခြင်းဖြင့် နိုင်ငံရေး အသိအမြင် အားကောင်းလာနိုင်ပြီး ဒီမိုကရေစီ ကျောရိုး ခိုင်မာစေရန် ဖြစ်သည်။ Ohio State University မှ လက်ထောက်ပါမောက္ခ Pamela Paxton ၏ လေ့လာတွေ.ရှိချက်အရ လူ.အသိုင်းအ၀ိုင်းနှင့် ချိတ်ဆက်နေသော ကလပ်အသင်းများ၊ စေတနာ့ဝန်ထမ်းအဖွဲ.အစည်းများကို ၀င်ရောက် အဖွဲ.၀င်ထားသူ တိုးပွားလာပါက ဒီမိုကရေစီ ပိုမိုအားကောင်းနိုင်သည်ဟု ဆိုသည်။ အကြောင်းမှာ ဘယ်အဖွဲ.အစည်းတွင်မဆို တိုင်းပြည်တွင်း ဖြစ်ပျက်နေမှုများ၊ နိုင်ငံရေးဖြစ်စဉ်များအပေါ် အဖွဲ.၀င်အချင်းချင်း ပြောဆိုမှုများ အဆက်မပြတ် ဖြစ်ပေါ်နေနိုင်သောကြောင့်ဟု ဆိုသည်။ (Group Membership) အဖွဲ.၀င်ခြင်းနှင့် ဒီမိုကရေစီကြား အပြန်အလှန် ဆက်နွယ်မှု ရှိခြင်းပင် ဖြစ်လေသည်။ တစ်ခုတော့ ရှိပါသည်။ ဒီမိုကရေစီကို အားပေးအားမြှောက်ပြုသော အဖွဲ.အစည်းဖြစ်ရန်တော့ လိုသေးသည်။ ထိုမှသာ နိုင်ငံတကာ အကူအညီ၊ အထောက်အပံ့တို.ကို ရရှိနိုင်ရန် သေချာလေသည်။”



                          အပေါ်ကဟာလေးကို လွန်ခဲ့တဲ့ ၃ လလောက်က ရေးထားခဲ့တာပါ။ ဥပဒေပုဒ်မ (၆/၈၈) အရ လွတ်လပ်သော သမဂ္ဂများ တရားဝင် ဖွဲ.စည်းခွင့်ကို ပိတ်ပင်ခံထားရတာကြောင့် မြန်မာပြည်က တက္ကသိုလ်တွေ၊ ကျောင်းတွေမှာ တရားဝင် လွတ်လပ်သော ကျောင်းသား သမဂ္ဂ (Students’ Union) ဆိုတာလည်း မရှိ (တော့) ၊ အလုပ်သမားတို.ရဲ. ရပိုင်ခွင့်တွေ ကာကွယ်နိုင်ဖို.အတွက် တရားဝင် လွတ်လပ်သော အလုပ်သမား သမဂ္ဂ (Trade Union/Labour Union) ဆိုတာလည်း မရှိ၊ အစိုးရအဖွဲ.အစည်း အချင်းချင်းကျတော့လည်း ကောင်းရာကောင်းကျိုး ကိစ္စတွေ ချိတ်ဆက် ဆောင်ရွက်နိုင်မှုမှာ အမြဲတစေ (အလွန်တရာ) အားနည်း ညံ.ဖျင်းလွန်းလှပါတယ်။ ဥပမာ - အစိုးရ ၀န်ထမ်းရွေးချယ်လေ့ကျင့်ရေးအဖွဲ.က စာရင်းကိုင် (Accountant) နေရာအတွက် ခေါ်တော့ အရည်အချင်းလိုအပ်ချက်မှာ B.Com. ဘွဲ.ရ ဖြစ်ရမည်တဲ့။ ရန်ကုန်စီးပွားရေးတက္ကသိုလ်မှာ Bachelor of Accounting (B.Acct) ရှိတယ်ဆိုတာလေးတောင် မသိကြဘူးတဲ့လား။ B.Com. ဘွဲ.ရတစ်ယောက် စာရင်းအင်း ကိုင်တွယ်တာ B.Acct. လောက် ဘယ်လိုလုပ် ကျွမ်းကျင်နိုင်မှာတုန်း……..။

                         (မသိအောင်၊ မလုပ်ရဲအောင် တမင်လုပ်ခံထားရလေတော့) မသိလို. မရှိ၊ မရှိလို. မသိ၊ မသိလို. မလုပ်၊ မလုပ်လို. မဖြစ်မြောက်၊ မဖြစ်မြောက်လို. မထူး၊ မထူးလို. Drain brain (မြောင်းထဲက ဦးနှောက်တွေ) ဖြစ်၊ Drain brain တွေ ဖြစ်မှာစိုးလို. နိုင်ငံခြားထွက်၊ နိုင်ငံခြားထွက်လို. ပြန်မလာနိုင်၊ ပြန်မလာနိုင်လို. ဦးနှောက်ယိုစီးမှု (Brain drain) ဖြစ်၊ Brain drain ဖြစ်လို. ကျန်ရစ်သူ တိုင်းပြည်မှာ Drain brain တွေ ထပ်ဖြစ်ကုန်ကြရတာပေါ့ (တချို.တွေက အစကတည်းက Drain brain ဖြစ်နေကြပြီး လူအများကိုလည်း Drain brain ဖြစ်အောင် အင်တာနက်ခေတ်ကြီးမှာ ဆက်လက် လုပ်ဆောင်နေကြပေါ့)…….Drain brain ဖြစ်တော့ နိုင်ငံခြားရောက် မြန်မာတွေခမျာ Drain brain တိုင်းပြည်က လူတွေပဲလို.သာ မှတ်ယူခံကြရရှာပြီး ချိုးနှိမ်ခံကြရတာတွေလည်း တစ်ပုံတစ်ပင်။ တချို.က အဲဒီ Drain brain တိုင်းပြည်ကို ဘယ်နားမှာ ရှိမှန်းလေးတောင် မသိရှိကြ (နိုဘယ်ဆုရပုဂ္ဂိုလ်ကိုတော့ အားလုံး သိကြတယ်) ၊ မရှိအောင် တမင်လုပ်ထားတော့ မရှိလို. မသိ၊ မသိအောင် တမင်လုပ်ထားတော့ မသိလို. မရှိ (သိပေမယ့်လည်း ရှိခွင့် မရှိ = ရှိပေမယ့်လည်း သိခွင့် မရှိ)……….အဲလိုနဲ.ပဲ စိတ်မကောင်းဖွယ် သံသရာလည်နေကြရပါတယ်။ ကျွန်တော်တို. အဖိုးတွေ အဖွားတွေလက်ထက်က တက္ကသိုလ်တွေ ခေတ်ကောင်းခဲ့ပါတယ်။ အားကစားဆိုလည်း အားကစားအလျောက်၊ ပညာရေးဆိုလည်း သင်ကြားမှုအဆင့်အတန်း မြင့်မားခဲ့၊ တိုးတက်ဖြစ်ထွန်းမှုတွေ အထိုက်အလျောက် ရှိခဲ့ပါတယ်။ ရိုးရိုး (Bachelor) ဘွဲ.ရတစ်ယောက်ဟာ လူတောတိုးနိုင်ခဲ့ပါတယ်။ အခုများတော့ မြန်မာပြည်က Ph.D ဘွဲ.ရ၊ ဒေါက်တာဘွဲ.ရတို.ရဲ. အနေအထားဟာ တစ်လကို ၄၊ ၅ သောင်းပဲ ရပြီး ကိုယ့်ပညာနဲ. မဆိုင်တာတွေ လုပ်ရတဲ့ မော်ကွန်းထိန်းလို အလုပ်မျိုး ၊ သုတေသနပြုဖို. နေနေသာသာ ငွေနောက် တကောက်ကောက်လိုက်နေရတဲ့ သာမန်ကျူရှင်ဆရာလို အလုပ်မျိုးတွေကို လိုအပ်သလို သမုဒ္ဒရာ၊ ၀မ်းတစ်ထွာအတွက် လုပ်နေကြရရှာတာ ကြာခဲ့ပါပြီ……………………… :((

                        မနှစ်က Hawaii Pacific University, USA ကို ကျောင်းလျှောက်ဖို.အတွက် အွန်လိုင်းပေါ်မှာ မွှေနှောက်ကြည့်ခဲ့တုန်းက B.A. (English) Program မှာ ပါဝင်တဲ့ သင်ရိုးတွေကို အခုလို တွေ.မြင်ရပါတယ်။ [Semester တစ်ခုအတွက် သင်ရိုး ၅ ခု အနည်းဆုံး ယူရတယ်၊ သင်ရိုးတစ်ခုကို Credit ၃ ခု ပေးပြီး တက်ချင်တဲ့ သင်ရိုးကို စိတ်ကြိုက်ရွေး၊ ထုံးစံအတိုင်း သင်ရိုးတစ်ခုစီအတွက် Assignment တစ်စောင်စီ ရေး၊ ကိုယ်ပိုင်စာသား (In your own words) ပဲပေါ့]

ENG 3101 Shakespeare on Screen

LIT 3200 British Literature to 1800
LIT 3210 19th-Century British Literature
LIT 3335 Asian Literature in Translation
LIT 3340 Traditional Chinese Fiction
LIT 3345 Modern Chinese Writers
LIT 3355 Modern Japanese Fiction
LIT 3410 Nineteenth Century American Literature
LIT 3625 Nonfiction Film: Documentary, Docudrama, and Historical Film
LIT 3630 Biography
LIT 4120 Seminar in Modernism
LIT 4200 Shakespeare Seminar

ENG 3300 Theoretical Perspectives
ENG 3350 Literature Adapted to Screen

LIT 3620 Film Theory and Criticism
LIT 4000 Seminar in Textual Criticism
LIT 4520 Seminar in Post-Colonial Literature

ENG 3401 Wanderlust: Student Literary Magazine
ENG 3402 Sacred and Erotic in Lyric Poetry

WRI 3310 Poetry Workshop
WRI 3312 Haiku East and West
WRI 3320 Scriptwriting
WRI 3330 Fiction Writing
WRI 3340 Creative Nonfiction Writing Workshop
WRI 3390 Literary Magazine
WRI 3510 Composition Studies
WRI 3950 Professions in Writing Practicum
WRI 3990 Non-paid Internship
WRI 3991 Paid Internship
WRI 4990 Professional Writing Portfolio Seminar



                               စိတ်ဝင်စားဖွယ် Course တွေချည်းပါပဲ။ ကျောင်းပြီးရင် လုပ်စားလို.ရအောင်အတွက်ပါ ဇာတ်ညွှန်းရေးနည်း၊ ထိုးဇာတ်ရေးနည်း၊ ရုပ်ရှင်သီဝရီနှင့် ဝေဖန်ရေး၊ Paid/Unpaid Internship…အစရှိတဲ့ သင်ရိုးတွေလည်း ပါဝင်တာ တွေ.ရမှာပါ။ Research, Analysis နဲ. Writing အပိုင်းကိုတော့ ထွေထွေထူးထူး မပြောလိုတော့ပါဘူး။ ဒါတောင် သာမန် B.A.(English) Program ပဲ ရှိသေးတာနော်။ Hawaii Pacific University ဆိုတာလည်း အမေရိကန်တစ်နိုင်ငံတည်းမှာတောင် အဆင့် (၁၀၀) ကျော်လောက်မှာပဲ ရှိတဲ့ ပုဂ္ဂလိက တက္ကသိုလ်မျိုး၊ သိပ်အမြင့်ကြီး မဟုတ်။ (ဟာဝိုင်ယီပြည်နယ်မှာတော့ အဆင့် ၂) မြန်မာပြည်က B.A. (English) ရော ဘယ်လိုလဲ……(`မနှိုင်းကောင်း နှိုင်းကောင်းကြီးကွာ´ လို. စာဖတ်ရင်း စိတ်ထဲ တွေးမိသွားတယ်မလား)….J  :) …….။ အစဉ်အဆက် အရည်အချင်း မရှိတဲ့ ပညာရေးဆိုင်ရာ အစိုးရအဖွဲ.အစည်းတို. မြန်မာနိုင်ငံဘွဲ.ဟာ သုံးစားမရတဲ့ အရာလို ဖြစ်လာစေပါတယ်။ နိုင်ငံတကာကျောင်းကြော်ငြာတွေရဲ. Brainwash လုပ်ခြင်းကြောင့်လည်း မြန်မာဘွဲ.ဟာ အဆင့်မရှိသယောင်ယောင် (တကယ်လည်း အဆင့်မရှိ) ဖြစ်နေပါပြီ။ ဘယ်နိုင်ငံကပဲ ဘွဲ.ရရ၊ တကယ်တော့ ဘွဲ.ရတစ်ယောက်ရဲ. တန်ဖိုး (ဘွဲ.တစ်ခုရဲ. တန်ဖိုး) ဟာ ကမ္ဘာကြီးရဲ. ဘယ်နေရာမှာပဲ ရောက်နေနေ တန်းတူ အသိအမှတ်ပြုခံရခြင်းမျိုးပဲ ဖြစ်ရမှာပါ။ မြန်မာပြည်မှာ သာမန် B.A. ဘွဲ.ရပြီး ဘန်ကောက် AIT (Asian Institute of Technology) မှာ (ဘာမှ မဆိုင်ဘဲ) Master (M.B.A.) ဘွဲ.ရရှိသူတွေ ဒုနဲ.ဒေး၊ မြန်မာပြည်မှာ M.A. ဘွဲ.ရပြီး သြစတြေးလျနိုင်ငံ၊ University of Wollongong မှာ Ph.D. တက်လို.ရတာကိုလည်း ကြားဖူးပါတယ်။ ဒါဆို မင်းက ဘာကို ပြောချင်တာတုန်း။ တကယ် သိကျွမ်း တတ်မြောက်မှု (သို.) ဘွဲ.ရတစ်ယောက်ရဲ. လုပ်ရည်ကိုင်ရည် (Competency) ၊ ၀မ်းစာပြည့်ဝမှု (Resourcefulness) နဲ. အလုပ်ရရှိနိုင်စွမ်း/ အလုပ်ခန်.အပ်ခံရနိုင်စွမ်း အလားအလာ (Employability/ Graduate Prospects) အပိုင်းတွေကို သက်ဆိုင်ရာ ပညာရပ်ဝန်း (Academia) တစ်ခုဟာ ဘယ်အတိုင်းအတာထိ ပံ့ပိုး ဖြည့်ဆည်းပေးနိုင်မှု ရှိသလဲ ??? ဆိုတာကို ထောက်ပြလိုရင်းပါ။ ဆိုကြပါစို.။ မြန်မာပြည်က သိပ်ဟုတ်လှပါပြီဆိုတဲ့ ဆေးတက္ကသိုလ်တို.၊ ဘာတက္ကသိုလ် ညာတက္ကသိုလ်တို.တွေဟာ သူတို.ကျောင်းထွက် ဘွဲ.ရတွေ (အမြီးရှည်ရှည် ဘွဲ.ရတွေ၊ ဒေါက်တာဘွဲ.ရတွေ) ကျောင်းပြီးတဲ့အခါ ဘယ်လိုအလုပ်မျိုးတွေ လုပ်နေကြရတယ်၊ ဘယ်နှယောက်က ဆရာဝန်အလုပ်ကို တကယ်လုပ်နေပါတယ်၊ ဘယ်နှယောက်ကတော့ အင်ဂျင်နီယာအလုပ်ကို တကယ်လုပ်နေပါတယ်………အစရှိတဲ့ စစ်တမ်းကောက်ယူမှုတွေ (Survey Assessments) ဘယ်နှခါ လုပ်ခဲ့ဖူးပါသလဲ ??? ကျောင်းဆိုတာ (တက္ကသိုလ်ဆိုတာ) ကျောင်းသားကို စာမေးပွဲတွေ စစ်ပေး ၊ အမြီးရှည်နိုင်ကြဖို. ဘွဲ.တွေ ချီးမြှင့်ပေး ၊ ဘွဲ.ရ များများ မွေးထုတ်ပေးရုံလောက်နဲ. တာဝန်ကျေပြီဆိုတာ သေချာပါရဲ.လား ???   နိုင်ငံတကာတက္ကသိုလ်တွေမှာ သူတို.ကျောင်းထွက် ဘွဲ.ရတို.ရဲ. Employability/ Graduate Prospects တို.ကို နှစ်စဉ် စစ်တမ်းကောက်၊ တွက်ချက်၊ တရားဝင် ထုတ်ပြန်ပေးကြတယ်။ ဘွဲ.နဲ. ဘွဲ.အဆင့်အတန်းက ပဓာနမဟုတ်။ Harvard M.B.A. တော့ ရထားပါရဲ.၊ တကယ် အရေးရယ် အကြောင်းရယ် Crisis ဖြစ်လို. ဘာမှ မဖြေရှင်းတတ်ရင် ဘာအသုံးကျဦးမှာတုန်း။ တိုင်းရေးပြည်ရေးနဲ. ကိုယ်ရေးကိုယ်တာ အခြေအနေအမျိုးမျိုးတို.ကြောင့် ရချင်တဲ့ ဘွဲ.နဲ. ရထားတဲ့ ဘွဲ. တခြားစီ၊ ရထားတဲ့ ဘွဲ.နဲ. လုပ်နေတဲ့ အလုပ် တခြားစီ ဖြစ်နေရတဲ့ ဘ၀တွေကိုလည်း အများကြီး ကြုံဖူး ကြားဖူးပါတယ်။ ထားလိုက်ပါတော့။ သမဂ္ဂတွေအကြောင်းပဲ ပြောတော့မယ်။

                        `သမဂ္ဂများနှင့် စပ်လျဉ်းသော အရေးအသားများ´ ကို ရေးဖြစ်ရတာ အလွန် ရိုးရှင်းလှတဲ့ ရည်ရွယ်ချက်လေးတွေကြောင့်ပါပဲ။

(၁) အလုပ်သမားတွေရဲ. လူမှုဘ၀ဖူလုံရေး၊ ရပိုင်ခွင့်တွေကို အကာအကွယ်ပေး ၊ တောင်းဆိုနိုင်မယ့် သမဂ္ဂတွေ ပေါ်ပေါက်လာစေချင်တယ်။ Unionism (သမဂ္ဂ၀ါဒ) တွင်ကျယ်လာစေချင်တယ်။ အလုပ်သမားရပိုင်ခွင့်တွေအတွက် အစိုးရက ဥပဒေတွေ သတ်မှတ် ပြဌာန်းပေးနိုင်ဖို. အလုပ်သမားသမဂ္ဂတို.လို ကြားခံ ဖိအားပေး အဖွဲ.အစည်းတွေ လိုအပ်ပါတယ်။ အခု မြန်မာပြည်မှာက အလုပ်သမား လူမှုဖူလုံရေးစနစ် (Social Security System) သေချာ မရှိ၊ အလုပ်သမားတို.အတွက် အာမခံချက် အပြည့်အ၀ မရှိ။ အလုပ်ရှင်နဲ. အလုပ်သမား စာချုပ် (Contract) ရှိရမယ့်ဟာ မရှိကြ (တချို.စက်ရုံတွေ စာချုပ် မရှိ) ၊ အလုပ်သမားရပိုင်ခွင့် (Labor Rights) တွေ တောင်းဆိုပေးနိုင်ပြီး အလုပ်သမားတွေဘက်က ရပ်တည်ပေးနိုင်တဲ့ အလုပ်သမားသမဂ္ဂ မရှိ / (ရှိခွင့် မရှိ) ၊ ပြဿနာတွေ မဖြစ်သင့်ဘဲ ဖြစ်နေကြရတယ်။ အထည်ချုပ်စက်ရုံ အလုပ်သမားတစ်ယောက် တစ်လကို လုပ်ခ ၄၈,၀၀၀ ကျပ် ရတယ်လို. သိရတယ်။ ဒီလုပ်ခလေး ရဖို.အရေး၊ အလုပ်သမားတစ်ယောက်ဟာ နားချိန် နားရက် မရှိဘဲ အလုပ်လုပ်ရတယ်။ အလုပ်ရှင်တွေကလည်း လက်ရှိအစိုးရရဲ. တည်ဆဲဥပဒေအောက်မှာ အလုပ်သမားသမဂ္ဂ ဖွဲ.စည်းခွင့် မရှိဘူးဆိုတာကို အခွင့်ကောင်းယူနေကြတယ်။ လက်ရှိမြန်မာနိုင်ငံမှာ အလုပ်သမား၊ လယ်သမား၊ လူ.အခွင့်အရေး၊ ကျောင်းသား၊ အမျိုးသမီးရေးရာ အစရှိတဲ့ လူတန်းစားအလွှာအသီးသီးတို.ရဲ. အရေးကိစ္စတွေကို တစ်ဖက်တစ်လမ်းက စောင့်ကြည့် ဖြေရှင်းပေးတဲ့ မြေအောက်အဖွဲ.အစည်းတွေ တိတ်တဆိတ် ရှိနေပေမယ့် ထိရောက်စွာ ဆောင်ရွက်ပေးနိုင်ခြင်း မရှိတာ တွေ.ရတယ်။ INGO တွေကလည်း သူတို. Project တွေနဲ. သူတို.ဘာသာ အမြဲ ရှုပ်ရှပ်ခက်နေကြတယ်။ [ပြီးခဲ့တဲ့ ၂၀၁၀၊ ဖေဖော်ဝါရီလတုန်းက လှိုင်သာယာစက်မှုဇုန် မြဖက်ရှင် (Opal 2) စက်ရုံမှာ အလုပ်သမားဆန္ဒပြပွဲ ဖြစ်ပွားခဲ့တယ်၊ လိုင်းကြီးကြပ်သူ Supervisor ကိုတော့ လစာငွေ ကျပ်တစ်သောင်းတိုးပေးပြီး တခြားလုပ်သားတွေကို မတိုးပေးလို.ဆိုပြီး လစာတိုးပေးဖို.၊ အလုပ်ချိန် နံနက် ၇ နာရီကနေ ည ၁၁ နာရီအထိကို လျှော့ပေးဖို.၊ အလုပ်သမားတွေ စားသောက်နေထိုင်တဲ့ နေရာတွေကို သန်.ရှင်းပေးဖို.တွေကို ဆန္ဒပြ တောင်းဆိုခဲ့ကြတယ်။ တစ်ချိန်တည်းမှာပဲ လှိုင်သာယာစက်မှုဇုန် ၃ ရှိ တိုင်ရီ ဖိနပ်စက်ရုံ လုပ်သားတို.က လုပ်ငန်းခွင် မ၀င်ဘဲ ဆန္ဒပြခဲ့ကြပြီး အစိုးရ ရုံးပိတ်ရက်တွင် အလုပ်ရုံပိတ်ဖို.၊ နားနေချိန် အပြည့်ပေးဖို.၊ လုပ်သက်ဆုကြေးကို တစ်နှစ်ကို (ကျပ်) ၂၀၀၀ တိုးပေးဖို.၊ ရက်မှန်ကြေး မူလ ၃,၀၀၀ မှ ၆,၀၀၀ သို့ တိုးပေးဖို.၊ နေ့တွက်ကြေး ၂၅ ကျပ်အစား ၇၅ ကျပ်တိုးပေးရန်နဲ. အချိန်ပိုကြေး  ၅၅ ကျပ်အစား ၁၅၀ ကျပ် ပေးဖို.တို. အပါအဝင် တောင်းဆိုချက် ၁၀ ချက် တောင်းဆိုခဲ့ကြတယ်။ ကျားမင်း အထည်ချုပ်စက်ရုံမှာလည်း အလားတူ ဆန္ဒပြမှုမျိုး ဖြစ်ပွားခဲ့သေးတယ်]

(၂) ကျောင်းသားသမဂ္ဂတွေကိုလည်း တရားဝင် လွတ်လပ်စွာ ပြန်ပေါ်ပေါက်လာစေချင်တယ်။ ဒီကျောင်းသားသမဂ္ဂဆိုတာကနေပဲ ဗိုလ်ချုပ်အောင်ဆန်းနဲ. ဦးနုတို.လို နိုင်ငံ့ခေါင်းဆောင်တွေ မွေးဖွားလာခဲ့ကြတယ်။ ကျောင်းသားသမဂ္ဂဆိုတာ (တစ်နည်းအားဖြင့်) နိုင်ငံရေး လေ့ကျင့်ရေး စခန်း/ စင်မြင့်အသေးစားလေးတစ်ခုလိုပဲ။ (ပွဲကြည့်ပရိသတ်ကွင်းထဲ မ၀င်ခင် အစမ်း ကျင့်တဲ့ သဘောမျိုးပေါ့) ကမ္ဘာ.နိုင်ငံခေါင်းဆောင် တော်တော်များများဟာ ကျောင်းသားဘ၀တွေတုန်းက တက္ကသိုလ်သမဂ္ဂ ခေါင်းဆောင်တို.၊ အတွင်းရေးမှူးတို. ဖြစ်ခဲ့ကြဖူးတာ တွေ.ရတယ်။ ကျောင်းသားသမဂ္ဂဆိုတာ လူငယ်တွေကို နိုင်ငံရေး အသိအမြင် ကြွယ်ဝလာစေဖို.၊ ဒီမိုကရေစီအလေ့အထတွေ ပျိုးထောင်ပေးနိုင်ဖို. အသင့်တော်ဆုံး နည်းလမ်းတစ်ခုလည်း ဖြစ်တယ်။ စကားရည်လုပွဲတွေ ကျင်းပစေခြင်းဖြင့် ဟောပြောမှုစွမ်းရည် (Charismatic Skills) မြင့်မား တိုးတက်လာစေမယ်။ မီဒီယာအမျိုးမျိုးကို ကောင်းကောင်း အသုံးချတတ်လာစေမယ်။ လုပ်တတ် ကိုင်တတ်၊ စီမံ ခန်.ခွဲ ဖွဲ.စည်းတတ်၊ စည်းရုံး ဆော်သြတတ်လာစေမယ်။ ရည်ရွယ်ချက်ကတော့ ရှင်းပါတယ်။ ဆူပူအုံကြွဖို. မဟုတ်ဘဲ တိုင်းပြည် အနာဂတ်ကောင်းတစ်ခုကို ပုံဖော်စေနိုင်ဖို.နဲ. ခေါင်းဆောင်ကောင်းတွေ မွေးထုတ်ပေးနိုင်ဖို.ပဲ ဖြစ်တယ်။ [အမေရိကန်နိုင်ငံမှာဆို “Student Governments” လို. ခေါ်တဲ့ ကျောင်းသားအစိုးရအဖွဲ.တွေ ရှိတယ်။ ဖွဲ.စည်းပုံက အမေရိကန်အစိုးရဖွဲ.စည်းပုံအတိုင်းပဲ ဖွဲ.စည်းကြတာ များတယ်။ “Student Government” ကို အုပ်ချုပ်ရေးကိုင်းခွဲ (Executive) ၊ ဥပဒေပြုကိုင်းခွဲ (Legislative) ၊ တရားစီရင်ရေးကိုင်းခွဲ (Judicial) ဆိုပြီး ဒီမိုကရေစီအစိုးရပုံစံ အာဏာကိုင်းခွဲ ၃ ရပ်နဲ. စနစ်တကျ ဖွဲ.စည်းထားတတ်ကြတယ်။ ကျောင်းသားစည်းဝေးပွဲ (Students’ Assembly) တွေ ကျင်းပပြီး ဥပဒေပြုကောင်စီကို ဆင့်ခေါ်ကြတယ်။ ကျောင်းသားရေးရာ (ကျောင်းသား/ Student = ကျောင်းသား + ကျောင်းသူ) ကိစ္စတွေ လှုပ်ရှားဆောင်ရွက်နိုင်ကြဖို.အတွက် “Student Activity Center” တွေ ထားရှိကြတယ်။ “Student Activity Center” ကို “Student Union” လို.လည်း ခေါ်တတ်ကြတယ်။ (“Student Government” ကိုတော့ “Student Union” လို. မခေါ်ကြဘူး) တချို.ကျောင်းတွေရဲ. “Student Government” ကျတော့ ပါလီမန်ပုံစံ ဖွဲ.စည်းကြသလို တချို.ကျတော့ ဖက်ဒရယ်အစိုးရပုံစံမျိုး ဖွဲ.စည်းတတ်ကြတယ်။ အဲဒီအကြောင်းတွေအားလုံးကို နောင် ဆက်ရေးမယ့် အပိုင်းတွေကျမှ အကျယ်ချဲ. ပြောသွားပါတော့မယ်]

                           (ဥပေက္ခာပြု၊ ရှောင်လွှဲလို. မလွယ်တော့ဘဲ) မကြာခင် ပေါ်ပေါက်လာတော့မယ့် လွှတ်တော်အသစ်၊ အစိုးရအသစ်လက်ထက်မှာ လွတ်လပ်တဲ့ သမဂ္ဂတွေ တရားဝင် ပြန်လည် ဖွဲ.စည်းခွင့်ပြုလာဖို.ကို (မရဲတရဲ) မျှော်လင့်ရင်း ဒီအရေးအသားတွေကို ရေးသား ပြုစုဖြစ်ပါကြောင်း ။ လိုအပ် ချွတ်ချော်တာတွေ အများကြီး ရှိနေဦးမှာမို. ၊ ဒီအရေးအသားတွေကိုလည်း အခြေခံဖတ်စာ (Primer) အဆင့်လောက်သာ သဘောထားစေလိုပါကြောင်း ။ သမိုင်းဆိုင်ရာ အသိ၊ သမဂ္ဂဆိုင်ရာ အသိ တစ်စုံတစ်ရာ ရရှိသွားခဲ့မယ်ဆိုရင် ရေးရကျိုးနပ်ပါပြီ။

Khun Cho

ဪ... ဗုဒ္ဓဘာသာဝင်တွေတဲ့လား?

ထူးကုမ္ပဏီမှ ဓါတ်ဆီကို မှောင်ခိုဈေးကွက် ရောင်းချ၍ စစ်တွေ လူထု အခက်ကြုံဆိုတဲ့ ခေါင်းစဉ်နဲ့narinjara သတင်းမှာဖတ်လိုက်ရတော့ ဪမြန်မာတွေများ တော်တော်လောဘကြီးကျပါလားလို့ ဗုဒ္ဓဘာသာနိုင်ငံဖြစ်ပြီး ကံကံရဲ့အကျိုးကိုယုံကြည်ကြပါလျှက်နဲ့ ဘာလို့များဒီလောက် မိုက်လုံးကြီးနေကြလည်းဆိုတာ ကျနော်ဖြင့်နားကိုမလည်နိုင်လောက်အောင်ပါပဲဗျာ။ လေးဘေးအတွက်လှူတာတွေကိုလည်း မယက ဥက္ကဌတွေက အဆင့်ဆင့်ဖြတ်စားတာတွေလုပ်တော့ ဘယ်သူကလှူချင်စိတ်ရှိတော့မှာတုန်းဗျာ ဘယ်လောက်လှူလှူလည်း လောက်မှာကိုမဟုတ်ဘူး အစိုးရလူတွေကို အလှူပေးသလိုကြီးကိုဖြစ်နေတော့တာပါပဲ။ ဒီကြားထဲ wikileaks မှာဗိုလ်ချုပ်မှူးကြီးကသူမြေးအတွက် မန်ယူအသင်းကိုအမေရိကန်ဒေါ်လာသန်းတထောင်နဲ့ ဝယ်ပေးဖို့စီစဉ်ဖူးတယ်ဆိုတဲ့ သတင်းကိုကြားတော့ အဲဒီထဲကတစ်ဆယ်သန်းလောက်သာ လေးဘေးဒုက္ခသည်တွေကို လှူလိုက်ရင်အားလုံးကသာဓုခေါ်ကြမှာပါ။ အခုတော့အလှူငွေတွေကို မတရားလုပ်နေတာကိုတောင် မသိချင်ဟန်ဆောင်နေကြတယ်။ မြန်မာနိုင်ငံကအချမ်းသာဆုံးပါဆိုတဲ့ သူဌေးတွေလည်း ထိုနည်းလည်းကောင်းပါပဲ ဦးဇော်ဇော်တို့ ဦးတေဇတို့ နာဂစ်တုန်းကဒေါ်လာတသန်းလောက်ကလေးလှူတာကိုပဲ အဟုတ်ကြီးဖြစ်နေကြတယ် ဒေါ်လာတစ်သန်း(သိန်းတသောင်းကျပ်ဝန်းကျင်)ဆိုတာ ထူးကုမ္ပဏီကရခိုင်မှာ ဓာတ်ဆီမှောင်ခိုရောင်းလို့ရတဲ့ တပတ်စာတောင်ရှိမယ်မထင်ပါ။ wikipedia မှာရေးထားတာအရဆိုရင် ဦးတေဇက ၂၀၀၇မှာသစ်လုပ်ငန်းတစ်ခုထဲကနေ ဒေါ်လာခြောက်ဆယ့်ငါးသန်းကျော်တောင် အမြတ်ရခဲ့တာပါ(ဦးတေဇမှာကုမ္ပဏီခွဲ တစ်ဆယ်ခုခန့်ရှိတယ်လို့သိရပါတယ်)။ နောက်နာမည်ကြီးသူဌေးတစ်ယောက်ဖြစ်တဲ့ မိုက်ကယ်မိုးမြင့်ရဲ့ myint associate ကတစ်လကိုအစိုးရအခွန်ကြီးပဲ ဒေါ်လာတစ်သန်းခန့်ဆောင်တယ်လို့သိရပါတယ်။ သူတို့ရဲ့ဝင်ငွေတွေအရဆိုရင် သူတို့ရဲ့လှူဒါန်းမှူတွေဟာတကယ်ကို ရယ်စရာကြီးတွေကိုဖြစ်နေပါတယ်။ Warren Buffett နဲ. Bill Gatesတို့လိုပိုင်ဆိုင်မှုရဲ့ ရှစ်ဆယ်ရာခိုင်နှုန်းလှူစရာမလိုပါဘူး။ တစ် ရာခိုင်နှုန်းလောက်ပဲထိထိရောက်ရောက်ဖြစ်အောင် လှူရင်တောင်ဒုက္ခသည်ထောင်ပေါင်းများစွာရဲ့ အသက်တွေကိုကယ်တင်နိုင်မှာပါ။ ဗုဒ္ဓဘာသာဝင်တွေဖြစ်ပါလျှက်နဲ့ ဗုဒ္ဓရဲ့အဆုံးအမတွေကိုယုံကြည်သက်ဝင်ကြပါလျှက်နဲ့ နောင်ဘဝတွေအထိကောင်းကျိုးချမ်းသာရမဲ့ ကုသိုလ်တွေမလုပ်ပဲ တနပ်စာစားရရုံမတော်လောဘတက်နေကြတဲ့လူတွေကိုကြည့်ပြီး တော်တော်ကြီးကိုသံဝေဂရမိပါတယ်ခဗျာ။

Apple iPod touch 32 GB (4th Generation) NEWEST MODEL 

ပြေပြေလေးရောက်ရှိ

သံစဉ်/စာသား/ဝူးဝူးဝါးဝါး by ညီလင်းဟန်

Blogger Chat

AFC U-16 Women Championship 2011 Qualifiers ပြိုင်ပွဲ မြန်မာအသင်း ဗီယက်နမ်ကို ထပ်မံအနိုင်ရ

ထိုင်းနိုင်ငံတွင်သွားရောက်ယှဉ်ပြိုင်နေသော AFC  U-16 Women Championship 2011  ခြေစစ် ပွဲစဉ်တွင်   ဒီဇင်ဘာ ၇ ရက်နေ့က  မြန်မာ  အမျိုးသမီးU-16အသင်းက ဗီယက်နမ် အသင်းကို ၃ ဂိုး ဂိုးမရှိဖြင့် အနိုင်ရရှိသွားပါသည်။မြန်မာ အမျိုးသမီး U-16 အသင်းအတွက် ဂိုးများကို မေသူကျော် က ၅၃  မိနစ်နှင့် ၆၃ မိနစ်တွင် နှစ်ဂိုး၊ အေးအေးမိုးက ၆၇ မိနစ်တွင်  အလွတ်တည်ကန်ဘောမှ တစ်ဂိုးသွင်းယူခဲ့ပါသည်။  မြန်မာအမျိုးသမီး U-16  အသင်းသည် ဒီဇင်ဘာ ၃ ရက်နေ့ က တရုတ်တိုင်ပေအသင်းကို လည်း ၃ ဂိုး ဂိုးမရှိဖြင့် အနီုင်ရရှိထားသဖြင့် မြန်မာအမျိုးသမီးအသင်းသည် ဇယားထိပ်ဆုံးတွင်ရပ်တည်နေကြောင်းသိရသည်။  မြန်မာအမျိုးသမီး U- 16 အသင်းသည် ဒီဇင်ဘာ ၁၀ ရက်နေ့တွင် အီရန်အသင်းနှင့် ယှဉ်ပြိုင်ကစားရမည်ဖြစ်သည်။

မြန်မာအမျိုးသားအသင်းကြောင့် အရှက်တကွဲအကျိုးနည်းဖြစ်ခဲ့ရတဲ့ မြန်မာတွေအတွက်ဂုဏ်ယူစရာသတင်းကောင်းပါ ကျနော်သဘောအရဆိုရင်တော့ အမြဲတန်းစိတ်ကျေနပ်လောက်စရာရလဒ်တွေ စွမ်းဆောင်နိုင်တဲ့ မြန်မာအအမျိုးသမီးအသင်းကိုပဲ လိင်ပြောင်းပြီးအမျိုးသားအသင်းမှာကန်စေချင်ပါတယ် အမျိုးသားအသင်းကလူတွေလိင်ပြောင်းခိုင်းရင် မြန်မာအမျိုးသမီးတွေအတွက်ပိုအရှက်ရစရာဖြစ်မှာစိုးလို့ပါ။

ခေတ်ပေါ်ဇာတိမဲ့လူသားနှင့် မြန်မာ့လူ.အဖွဲ.အစည်းလမ်းစဉ်သစ်

အခုအိုင်တီခေတ်ကြီးရဲ. ယဉ်ကျေးမှုဝိသေသစံနှုန်းကတော့ ကမ္ဘာကြီးဟာ ရွာဆန်လာတယ် (Global Village) ပဲ ဖြစ်ပါတယ်။ ဗဟုသုတနဲ. သတင်းအချက်အလက်တွေ အုံကြွ ယိုစီးမှုကို ဘယ်သူ/ဘယ်အရာကမှ ထိန်းချုပ်ကန်.သတ်မထားနိုင်တော့ဘူး။ မတူညီတဲ့ လူမျိုး၊ ယဉ်ကျေးမှု၊ ဘာသာစကားတွေ ကူးလူး ဆက်ဆံ ထိတွေ.ရာကနေ ကောင်းနိုးရာရာ ရွေးချယ်လက်ခံတဲ့ ညွန်.ပေါင်းယဉ်ကျေးမှု (Diversity of Cultures) ဆီ ဦးတည်လာတယ်။ Multiculturalism လို.လည်း ခေါ်ကြတယ်။ စံ (Criterion) ကတော့ Globalism ဖြစ်ပါတယ်။

အရင်းရှင်/ဒီမိုကရေစီစနစ်ရဲ. လူ.အဓိပ္ပာယ်က ကိုယ့်ကြမ္မာ ကိုယ်စိတ်ကြိုက်ဖန်တီးပိုင်ခွင့်ရှိတဲ့ တစ်ကိုယ်ရည်ဘ၀ (Individualistic) ဖြစ်ပြီး ကွန်မြူနစ်/ဆိုရှယ်လစ်စနစ်တို.ရဲ. လူ.အဓိပ္ပာယ်က စုပေါင်း မျှဝေ ခံစား ဘ၀ (Collective) ဖြစ်တယ်လို. ပညာရှင်တွေ ဆိုကြတယ်။ Globalization ကြောင့် ဖြစ်လာတဲ့ Multiculturalism ကနေ ပေါ်ထွက်လာတဲ့ တတိယလူ.အဓိပ္ပာယ်မှာ Counter-culture ဆန်ပြီး National Identity မရှိတဲ့ လူ (သို.) ဇာတိမဲ့လူသား (Rootless Man) ဖြစ်လိမ့်မယ်လို. ဆိုကြတယ်။

နယူးယောက်ရှိ Hudson Institute မှ ညွှန်ကြားရေးမှူး (Herman Kahn) က ပြဿနာတွေ ရှိနေမည်ဖြစ်ပြီး ပြဿနာတွေထဲမှာ နေထိုင်တတ်ခြင်းမှာ ပြဿနာကို ပြေလည်အောင် ဖြေရှင်းနိုင်ခြင်းတစ်မျိုးလို. ဆိုပါတယ်။ ရေဆူအမှတ် (Boiling Point) ထဲမှာတောင် အသက်ရှင် နေထိုင် မျိုးပွားနိုင်တဲ့ ပိုးမွှားတွေ ရှိခဲ့ဖူးတယ်လေ။ ဟာမင်ခန်ရဲ.အဆိုအရ အနာဂတ်နဲ. ပတ်သက်ပြီး တကယ့်ပြဿနာမှာ အဓိပ္ပာယ်ဆိုင်ရာ ပြဿနာနဲ. ရည်ရွယ်ချက်ဆိုင်ရာ ပြဿနာတို. ဖြစ်တယ်လို. ရေးထားခဲ့တယ်။ လူသားအားလုံး လိုလားတောင့်တတဲ့ လူ.ဘောင် အဖွဲ.အစည်းတစ်ခုကို ရှေးရှုဖို.ရာ အလွယ်ကူဆုံး လမ်းစဉ်မှာ (နိုင်ငံရေး၊ စစ်ရေးကိစ္စ၊ လူမှုရေး၊ စီးပွားရေး၊ ယဉ်ကျေးမှုတို. တစ်ခုမှ မဟုတ်ဘဲ) ဘာသာရေးလမ်းစဉ်ပဲ ဖြစ်တယ်လို.လည်း သူက ဆိုပါတယ်။ (တိကျ မှန်ကန် ယုတ္တိရှိပြီး ဆင်ခြင်နည်း အကျိုးအကြောင်း ဆီလျော်တဲ့၊ ငြိမ်းချမ်း မျှတ ခိုင်မာ လေးနက်တဲ့ ဘာသာရေးမျိုး ဖြစ်ဖို.တော့ လိုမယ် ထင်ပါရဲ.)

ချားစ်ဒါဝင်ရဲ. Evolution Theory အရ လူသားအားလုံးဟာ သဘာဝတရားကြီးရဲ. အဆင့်ဆင့် ရွေးချယ်မှု (Natural Selections) တွေကို ခံကြရပါတယ်။ အဲဒီ ရွေးချယ်မှုတွေကို ကျော်လွှားနိုင်ဖို.အတွက် မိမိရဲ. ဆက်စပ်ပတ်ဝန်းကျင်နဲ. လိုက်လျောညီထွေ အဆင်ပြေအောင် နေထိုင်ကြရပါတယ်။ ဒါမှသာ Survival of the fittest ဖြစ်မှာပါ။ Fittest ဆိုတဲ့ နေရာမှာ အရင်က ခွန်အားဗလကြီးသူ/ နည်းပညာ၊ အသိဥာဏ်၊ ဗဟုသုတ နှံ.စပ် ကျွမ်းကျင်သူ တို. ဖြစ်ခဲ့ပါတယ်။ ဒါပေမဲ့ အခုခေတ်လို သတ်မှတ်ချက်တွေ၊ အဓိပ္ပာယ် ရွေ.လျားပြောင်းလဲမှုတွေ ရှုပ်ထွေးတဲ့ (Age of Uncertainty) ခေတ်ကြီးမှာတော့ ကိုယ်နေထိုင်တဲ့ ဆက်စပ်ဝန်းကျင်မှာ ပြေလည်ကိုက်ညီအောင် နေနိုင်သူမှန်သမျှကို Fittest လို. သတ်မှတ်ချင်ပါတယ်။

နိဂုံးချုပ်ပြောချင်တာကတော့ အခုခေတ်မှာ အဝေးရောက် မြန်မာလူမျိုးတို.ဟာ (အလုပ်အရေး၊ ပညာအရေး၊ မိသားစုအရေး၊ တိုင်းပြည်အရေး၊ ကိုယ့်ဘ၀အရေး…..စသဖြင့်) အရာရာမှာ ပိုကောင်း/ ပိုသင့်တော်တဲ့ တန်ဖိုးအသစ်၊ စံနှုန်းအသစ်၊ ရည်မှန်းချက်အသစ်၊ အဓိပ္ပာယ်အသစ်တွေကို လိုလားပြီးရင်း လိုလား၊ ရှာဖွေပြီးရင်း ရှာဖွေနေကြပါပြီ/ တချို. ရှာဖွေကြပြီးပါပြီ။ ဒါကို အပြစ်တင်လို. မရသလို အပေါ်မှာ ပြောခဲ့သလို Survival of the Fittest လည်း ဖြစ်နေပါတယ်။ (ဦးသန်.ကတော့ ဘယ်နေရာပဲ ရောက်နေနေ မြန်မာလူမျိုးအနေနဲ.ပဲ ခံယူရမယ်လို. ပြောခဲ့ဖူးပါတယ်။ အခုချိန်ထိ သူ ဆက်ရှိနေသေးမယ်ဆိုရင် ဒီလို ပြောနိုင်ပါ့ဦးမလားဆိုတာ စဉ်းစားစရာပဲ) တကယ်တမ်းတော့ ဘယ်လိုပဲဖြစ်ဖြစ် လူသားတစ်ယောက်ရဲ. ရည်ရွယ်ချက်၊ ရည်မှန်းချက်၊ အဓိပ္ပာယ်ပြဌာန်းချက်၊ ဘ၀ကို နေထိုင် တွေးခေါ်ဖြတ်သန်းမှုပုံစံ…….အားလုံးဟာ သူ.ရဲ.ဆက်စပ်ဝန်းကျင်မှာ ရှိတဲ့ လူ.အဖွဲ.အစည်းရဲ. လက်အောက်ခံမျှသာ ဖြစ်ရပါလိမ့်မယ်။ နောက်ဆုံးမှာ အဲဒီ ဆက်စပ်လူ.အဖွဲ.အစည်းရဲ. အဓိက ရည်မှန်း မျှော်လင့်ချက်တွေကို ပံ့ပိုးဖြည့်ဆည်းပေးရတဲ့ လူသားအဖြစ်နဲ.သာ အစစ်အမှန်တည်ရှိသွားရခြင်းမျိုးလည်း ဖြစ်ပါတော့တယ်။




(နိုင်ငံခြားသား ဖြစ်တော့မည့် မြန်မာလူမျိုးများသို.)



ခွန်းချို
စက်၊ ၂၀၁၀။

အမေ့အိမ်(ပလပ်ပေါက်မပါသောဗားရှင်း)

အမေ့အိမ်(ပလပ်ပေါက်မပါသောဗားရှင်း)
ရေး - ထူးအိမ်သင်
ဆို - ညီလင်းဟန် (ခ) ဒီဂျေ
တီး - ဒီဂျေ (ခ) ညီလင်းဟန်

ပထမဘဝရဲ့နိဂုံး

ဒီလိုနဲ့ နှစ်တွေသာတနှစ်ပြီးတနှစ်ချည့်နဲ့လို့လာခဲ့
ငါ့ရဲ့အရက်ခွက်ထဲမှာတော့
အရောင်မပြောင်း အရသာမပြောင်း
အရင်အတိုင်း လတ်လတ်ဆက်ဆက်
ခါးသက်။

Metalman

ဒီမိုကရေစီနှင့် စပ်လျဉ်းသော အရေးအသားများ (အပိုင်း - ၅)

[အပိုင်း (၄) မှ အဆက်]


၃း၂ ။            ။ ဒီမိုကရေစီ ၀ိရောဓိ အသွင် ၃ မျိုး       


                        Stanford University မှ Professor of Sociology and Political Science ဖြစ်သူ Larry Diamond ရဲ. “Three Paradoxes of Democracy” ဆိုတဲ့ Lecture Slides လေးတွေကို ကျစ်လျစ် ထိရောက် မှန်ကန်တယ် ယူဆလို. ပြန်ဖောက်သည်ချချင်ပါတယ်။ ပထမဆုံးစာကြောင်းကို ဖွင့်ဆိုချက်လေးတွေနဲ. စတင်ထားပြီး ပြဿနာအလားအလာတွေကို အောက်မှာ ဆက်ရှင်းပြထားပါတယ်။ ဒီမိုကရေစီ ၀ိရောဓိတွေကို အဓိကအားဖြင့် ၃ မျိုး ခွဲခြားနိုင်တယ်လို. ဆိုတယ်။

(၁) ပဋိပက္ခနဲ. အများဆန္ဒ (Conflict versus Consensus)      
(၂) ကိုယ်စားပြုမှုနဲ. အုပ်ချုပ်နိုင်စွမ်း (Representativeness versus Governability)
(၃) လူထု ထောက်ခံချက်နဲ. လက်တွေ. ဆောင်ရွက် ထိရောက်မှု (Consent versus Effectiveness)


(၁) ပဋိပက္ခနဲ. အများဆန္ဒ


                           Professor Larry Diamond ရဲ. အဆိုအရ
-      ဒီမိုကရေစီ ဆိုတာ (A system of institutionalized competition for power) အာဏာရဖို.အတွက် အတည်တကျဖွဲ.စည်းသတ်မှတ်ထားတဲ့ ယှဉ်ပြိုင်မှုစနစ် တစ်ခုဖြစ်။
-      ပဋိပက္ခများပြားခြင်းဟာ တည်ငြိမ်မှုကို ပျက်ပြားစေနိုင်။
-      ဒီမိုကရေစီ မှာ ပဋိပက္ခ (သို.) သဘောထားကွဲလွဲမှု လိုပေမယ့် သိပ်များများစားစား မရှိသင့်၊ မရှိအပ်။
-      အက်ကြောင်းတွေ ရင်ကြားစေ့ဖို.အတွက် အများဆန္ဒနဲ. လျော်ညီစွာ ပြန်ဖာတေးသင့်။


(၂) ကိုယ်စားပြုမှုနဲ. အုပ်ချုပ်နိုင်စွမ်း


-      ဒီမိုကရေစီ ဆိုတာ အာဏာဖြန်.ကျက်မှုသဘောကို ဆောင်ပြီး အာဏာ အလွန်အကျွံ အားပြုစုစည်းမှုကို ဟန်.တားပေး။ (Dispersion of power rather than concentration)
-      အဲဒီတော့ Alexander Hamilton ပြောခဲ့သလို ဒီမိုကရေစီတွင် “Energy” ရှိထားသင့်။
-      အစိုးရတွေအနေနဲ. အချိန်ပြည့် သွက်လက်စွာ လှုပ်ရှားဆောင်ရွက်နိုင်ရန် လိုအပ်။
-      ဒီမိုကရေစီနိုင်ငံတွေမှာ အစုအဖွဲ.တို.၏ တောင်းဆိုချက်များကို အလိုက်သင့် တုံ.ပြန်မှု ပြုရန် လိုအပ်သလို တစ်ခါတစ်ရံ ငြင်းဆန်တော်လှန်ရန်လည်း လိုအပ်တတ်။
-      ကိုယ်စားပြုမှု များပြားလွန်းခြင်းကလည်း `သွက်ချာပါဒ´ လိုက်စေနိုင်။
-      ကြီးမားသော စိန်ခေါ်စမ်းသပ်ချက်တစ်ခုမှာ - ချုပ်နှောင်ခံရမှု ကင်းဝေးစွာ၊ ဘက်လိုက်မှု ကင်းဝေးစွာဖြင့် ကွဲလွဲနေသော သဘောထားများ၊ မတူညီသော အကျိုးစီးပွားများကို ကိုယ်စားပြုပြနိုင်ရန်ပင်ဖြစ်။


(၃) လူထု ထောက်ခံချက်နဲ. လက်တွေ. ဆောင်ရွက် ထိရောက်မှု


-      ဒီမိုကရေစီ ဆိုတာ “Rule by the people”  (လူထု အစိုးရ) ဖြစ်။
-      ဒီမိုကရေစီနိုင်ငံတွေမှာ လူထု ထောက်ခံမှု ရရှိဖို.အပြင် လုပ်ရည်ကိုင်ရည် ထက်မြက်တဲ့ အစိုးရများလည်း ရှိသင့်၊ ရှိအပ်။
-      အများလူထု၏ ထောက်ခံမှုကို ရရှိနိုင်ရန် ဒီမိုကရေစီနိုင်ငံတို.အနေနဲ. ကိစ္စမျိုးစုံတို.တွင် ထိရောက်စွာ ဆောင်ရွက်ပံ့ပိုးပေးနိုင်သင့်။
-      လူထု ထောက်ခံမှုကို သိမ်းပိုက်နိုင်ဖို.ဆိုတာ ခရီး အမြဲ မတွင်တတ်ပေ။



၃း၃ ။           ။ လူ.အခွင့်အရေးကန်.သတ်ချက်တချို.နှင့် ကျင့်ဝတ်


                   လစ်ဘရယ်ဒီမိုကရေစီနိုင်ငံတို.တွင် အရွယ်ရောက်ပြီးသူတိုင်း မဲပေးပိုင်ခွင့် (Universal Suffrage) ရှိတယ်။ ကျား/ မ မရွေး၊ လူမျိုးမရွေး၊ ဘာသာမရွေး၊ ဆင်းရဲ/ချမ်းသာ မရွေး မဲပေးပိုင်ခွင့် ရှိတယ်။ တချို. ဒီမိုကရေစီနိုင်ငံတွေမှာ မဲပေးခွင့် ကန်.သတ်ချက်တွေ ရှိပြီး တချို.ကျတော့ လျှို.၀ှက်မဲပေးစနစ် (Ballots) မထားတတ်ကြဘူး။ နိုင်ငံတိုင်းလိုလိုမှာတော့ မဲမပေးခင် မှတ်ပုံတင်လုပ်ကြရတာပါပဲ။

                    ဒီမိုကရေစီ အသားကျပြီးသားနိုင်ငံတွေမှာတောင် လွတ်လပ်မှုနဲ. လူ.အခွင့်အရေးတွေနဲ. ပတ်သက်ပြီး ကန်.သတ်ချက်တွေ ရှိပါတယ်။ ဥပမာ - မူပိုင်ခွင့်ဆိုင်ရာ ဥပဒေ ကန်.သတ် ပြဌာန်းချက် အမျိုးမျိုး ရှိသလို အသရေဖျက်မှုဆိုင်ရာ ဥပဒေတွေလည်း ရှိတယ်။ ဒီမိုကရေစီ ဆန်.ကျင်ရေး ဟောပြောမှုတွေကို တားမြစ်ထားသလို လူ.အခွင့်အရေးအကြောင်း ယုတ်လျော့ပျက်ပြားအောင် ပြောဆိုခြင်းကိုလည်း ကန်.သတ်ထိန်းချုပ်တယ်။ ဥပမာ - အကြမ်းဖက်ဝါဒ ကောင်းကြောင်း၊ မှန်ကြောင်း ဟောပြီး စည်းရုံးလှုပ်ရှားလို. မရဘူး။ စစ်အေးခေတ်တုန်းက ကွန်မြူနစ်ဝါဒီတွေကို ကန်.သတ် ပိတ်ပင်ထားခဲ့တာတွေလည်း ရှိတယ်။ အကြွင်းမဲ့အာဏာရှင်စနစ်နဲ. ဆက်နွယ်နေတဲ့ (ကွန်မြူနစ်၊ ဖက်ဆစ်၊ နာဇီ) ပါတီဝင်တွေကို အလုပ်အကိုင် အခွင့်အရေး မပေး၊ မဲ ပေးခွင့် မပေး၊ ပါတီ ဖျက်သိမ်းတာတွေ လုပ်ပစ်ခဲ့တယ်။ လူမျိုး မုန်းတီးရေး စကားတွေ၊ ညစ်ညမ်းစကားတွေကို မိန်.ခွန်းထဲမှာ ပြောခွင့် မရှိဘူး။ Freedom of Speech ဆိုတိုင်းလည်း နှုတ်စောင့်စည်းမှု ရှိရတယ်။ ဥပမာ - Holocaust ကို ထောက်ခံကြောင်း ပြောခွင့် မရှိဘူး။ လူအစုလိုက်အပြုံလိုက် သတ်ဖြတ်ခြင်းကို အားပေး အားမြှောက် ပြောစရာ အကြောင်း မရှိဘူး။ တချို.နိုင်ငံတွေမှာ လိင်အသားပေး ဖော်ပြချက်တွေ ခွင့်ပြုကြတယ်။ ကနေဒါလို နိုင်ငံမှာတော့ လိင်တူ ဆက်ဆံရေးကိစ္စတွေ ပါတဲ့ စာမူတွေကို ထုတ်ဝေဖို. ငြင်းဆန်တဲ့ ပုံနှိပ်တိုက်ပိုင်ရှင်ဟာ ဒေါ်လာ ၅ ထောင် ကနဦး ဒဏ်ငွေ ဆောင်ရသလို တရားဆိုင်တဲ့အခါ ဥပဒေ အကျိုးဆောင်ခ ဒေါ်လာ ၁ သိန်း ဆောင်ရသေးတဲ့အပြင် တရားလိုရဲ. တရားဆိုင်ကြေး ဒေါ်လာ ၄ ထောင် ကိုလည်း တရားလို ကိုယ်စား ပေးဆောင်ဖို. အမိန်.ချမှတ်ခံရပါတယ်။ အဲလို အမှုမျိုးဟာ ပုံမှန် တရားရုံးတော် (Regular Court) တွေရဲ. လုပ်နည်း လုပ်ဟန်အတိုင်း သက်သေခံပစ္စည်းတွေအပေါ် အခြေခံတဲ့ စီရင်ချက်မျိုး မဟုတ်တဲ့ ခုံရုံးတင် စစ်ဆေးမှုမျိုး (Tribunal) ဖြစ်ပါတယ်။

                            တချို.လူ.အခွင့်အရေးတွေကျတော့ နိုင်ငံအလိုက် ကွဲပြားမှု ရှိနိုင်တယ်။ တချို.ကျတော့ ဖွဲ.စည်းပုံအခြေခံဥပဒေအရ ကွဲပြားကြတယ်။ ဥပမာ - ကနေဒါ၊ အမေရိက၊ အိန္ဒိယ၊ အစ္စရေး၊ မက္ကဆီကို နိုင်ငံတွေမှာ Double Jeopardy ကို လွတ်ငြိမ်း ချမ်းသာခွင့်ပြုထားတယ်။ (Double Jeopardy ဆိုတာ တရားဝင်ပြစ်ဒဏ်ကျခံရပြီးသား တရားခံကို လုပ်နည်းကျင့်ထုံးတို.နဲ. အညီ နောက်တစ်ကြိမ် ပြန်လည် ထုချေ လျှောက်လဲခွင့်မပြုဘဲ ပိတ်ပင် တားမြစ်ထားခြင်းကို ဆိုလိုပါတယ်) ပြောချင်တာ အဲဒီနိုင်ငံတွေမှာ တရားခံကို ထပ်ကြိုးစား ချေပ လျှောက်လဲခွင့် ပြုထားတယ် ဆိုတာပါပဲ။ အမေရိကန်တွေက သေနတ်ကိုင်ဆောင်ခွင့် (Gun Rights) ကို အရေးပါတဲ့ အခြေခံ လူ.အခွင့်အရေးလို. ယူဆတတ်ကြပေမယ့် တခြားနိုင်ငံတွေမှာတော့ ဟုတ်ချင်မှ ဟုတ်မယ်။

                           လူ.အခွင့်အရေးနဲ. ပတ်သက်ပြီး ယနေ.ခေတ်ပေါ် အယူအဆက ဒုက္ခပေးသူတွေကို ဘယ်လို ကိုင်တွယ် အပြစ်ပေးမလဲ ဆိုတာကို အခြေခံတာမျိုး ဖြစ်ပါတယ်။ ဥပမာ - လူ.အခွင့်အရေး ချိုးဖောက်ခြင်း (Human Rights Abuses) လို. ပြောသံ ကြားတာနဲ. ဒါဟာ ယုတ်မာရိုင်းစိုင်းတဲ့ တစ်ယောက်ယောက်ကို `ဆော်ပလော်တီး´ ဒဏ်ခတ်ရတော့မယ်ဆိုတဲ့ သဘောမျိုး ဖြစ်လာပါပြီ။ အကြမ်းဖက်ဝါဒ၊ Suicide Bombing ၀ါဒတွေ ခေတ်စားနေတဲ့ ဒီနေ.ခေတ်မှာ လူ.အခွင့်အရေးပြဌာန်းချက် ဆိုတာလည်း ဘာမှ သုံးစားမရတော့ပါ။ ဥပမာ ခပ်ကြမ်းကြမ်း ပေးရရင် - ကိုယ့်အမေ အနိုင်ကျင့်ခံရရင်တောင် အမေ့ရဲ. လူ.အခွင့်အရေး ရပိုင်ခွင့် (Human Rights) ဆိုတာကြီးက အမေ့ကို ဘာမှ ကာကွယ်ပေးနိုင်မှာ မဟုတ်ပါဘူး။ Human Rights ဆိုတာ သေနေတဲ့ လူ ပြန်ရှင်အောင်လည်း လုပ်မပေးနိုင်ဘူး။ နေမကောင်းတဲ့သူကို ပျောက်အောင် ကုမပေးနိုင်ဘူး။ Gun Rights ရှိပေမယ့် အသတ်ခံရတာပဲလေ။ 9/11 က သက်သေပဲလေ။ တချို.တွေက လူ.အခွင့်အရေးကိစ္စကို အာသာဖြေ အော်နေတဲ့အချိန်မှာ ငတ်တဲ့သူတွေက ငတ်ပြီးရင်း ငတ်၊ စစ်ပွဲတွေကြားထဲ စုတ်ပြတ်သတ်အောင် သေနေတဲ့သူက သေ။ ကျွန်တော်အနေနဲ. ကျင့်ဝတ် (သို.) လူ.ကျင့်ဝတ် (Ethics) ကို လူ.အခွင့်အရေး (Human Rights) ထက် ပိုမြတ်နိုးပါတယ်။ အမှန်တရား (သို.) တရားမျှတမှုကို ရှာဖွေဖို.ပဲ ဖြစ်ဖြစ်၊ ကိုယ့်ပိုင်ဆိုင်မှုကို အများကောင်းကျိုးအတွက် လှူချင်၊ တန်းချင်လို.ပဲ ဖြစ်ဖြစ် လူ.ကျင့်ဝတ်စောင့်ထိန်းမှု (Ethics) က ပျက်စီးနေတဲ့ ကမ္ဘာကြီးအတွက် အများကြီး အသုံးဝင်သလို ပျော်ရွှင်စရာ ကောင်းပါတယ်။ Ethics ဟာ လူ.အသက်ပေါင်းများစွာကို ကယ်တင်နိုင်သလို နေကောင်းအောင်လည်း စောင့်ရှောက်ပေးနိုင်တယ်။ လူ.အခွင့်အရေး ဆိုတာတွေထက် အများကြီး တန်ဖိုးမြင့်မားပါတယ်။ အကြမ်းဖက်သမားလည်း လူပဲလေ။ သူ.မှာလည်း လူ.အခွင့်အရေး ရှိတာပဲလေ။ လူသတ်ဖို. လူ.အခွင့်အရေးမျိုးလေ။ အသတ်ခံရတဲ့လူမှာလည်း လူ.အခွင့်အရေး ရှိရဲ.သားနဲ. ဘာလို. အသတ်ခံရတာတုန်း။

                          တစ်ခါတစ်လေ ကျွန်တော်တွေးမိပါတယ်။ လူသားတိုင်း တိရိစ္ဆာန်ထက် အသိဥာဏ် ပို မမြင့်မားဘူးလို. တွေးမိပါတယ်။ လူ.အခွင့်အရေး အရ မီတာခ မှန်မှန် ဆောင်ရပါတယ်။ အခွန် မှန်မှန် ဆောင်ရပါတယ်။ ကျွန်တော်တို.ဟာ တာဝန်ဝတ္တရားတွေကို အသိဥာဏ်/ဆင်ခြင်ဥာဏ်နဲ. လုပ်ဆောင်နေကြရတဲ့ လူသားတွေ ဖြစ်ပါတယ်။ ၀တ္တရား ပျက်ကွက်တဲ့ လူ (သို.) အသိဥာဏ် မရှိတဲ့ လူဟာ လူ.အခွင့်အရေးတွေနဲ. မထိုက်တန်ပါဘူး။ လူနဲ. တိရိစ္ဆာန် ခွဲခြားထားတဲ့ အဓိကအကျဆုံး အရာက လူ.အခွင့်အရေး (Human Rights) မဟုတ်ဘဲ ကျင့်ဝတ်တန်ဖိုး (Ethical Values) တွေပဲ ဖြစ်တယ်လို. ကျွန်တော်ကတော့ လေးလေးနက်နက် ယုံကြည်နေမိပါတော့တယ်။


                          ဒီမိုကရေစီနှင့် စပ်လျဉ်းသော အရေးအသားများ အပိုင်း (၄) + (၅) ဒီတွင် ပြီးပါပြီ။


                           [ L, E, J ဆိုတဲ့ Separation of Powers ဆိုတာ ရှေးဟောင်း ၀ါဒ သဘောတရားတစ်ခုလို. ဗြိတိန်လူမျိုး နိုင်ငံရေး တွေးခေါ်ပညာရှင် Harold Laski (၁၈၉၃ – ၁၉၅၀) က ရေးခဲ့တဲ့အတွက် ဖက်ဒရယ်ဝါဒ အကြောင်းကို အများကြီး လေ့လာရပါဦးမယ်။ သူက “Authority must be federal.” ပြည်ထောင်စုအာဏာ လို. ဆိုပါတယ်။ အာဏာကို ဗဟိုဦးစီး ချုပ်ကိုင်မထားဘဲ Local အလိုက်၊ Functional အလိုက် အဖွဲ.အစည်းအသီးသီးကို ပေးအပ် ခွဲဝေသင့်တယ်လို. ဆိုတယ်။ ဌာနအသီးသီးအလိုက် အလုပ်ကြမ်းသမားက အစ၊ လက်တွေ. လုပ်ဆောင်နေသူ အမှုထမ်းတွေ အလယ်၊ အာဏာပိုင် အရာရှိတွေ အဆုံး အကုန်ပါဝင်တဲ့ အကြံပေး ဥာဏ်ပေး အဖွဲ. (Advisory Bodies) များ ထားရှိသင့်တယ်လို. ဆိုပြီး သူတို.တွေအားလုံး ပါဝင်တဲ့ (သို.) သူတို.ရဲ. ကိုယ်စားလှယ်တွေ ပါဝင်တဲ့ စည်းဝေးပွဲများ တိုင်ပင် ပြုလုပ်ခြင်းဖြင့် မှန်ကန်တဲ့ ဆုံးဖြတ်ချက်တွေ၊ တိုးတက်မှု ဖော်ဆောင်နိုင်မှာ ဖြစ်တယ်လို. ဆိုတယ်။ တစ်မြို.စီအလိုက် မြူနီစပယ် (Municipal) လို အဖွဲ.မျိုးတွေကိုလည်း လုပ်ပိုင်ခွင့် အာဏာ ပိုမို ပေးအပ်ခြင်းဖြင့်လည်း ပိုမို ထိရောက်နိုင်တယ်လို. Laski က ယူဆတယ်။ လွှတ်တော်မှာ ပြဿနာ အမျိုးမျိုးကို မတင်သွင်းမီ ကြိုတင် စဉ်းစားနိုင်ကြရန် လွှတ်တော် အမတ် ကော်မတီတွေကို ဖွဲ.စည်းသင့်တယ်လို. ဆိုတယ်။ စက်မှု လက်မှု လုပ်ငန်းတွေအတွက် (ပုဂ္ဂလိက + အစိုးရ) စနစ်တကျ လုပ်ဆောင်သွားနိုင်ဖို. ကောင်စီ (Industrial Council) တွေ ဖွဲ.စည်း ထားရှိသင့်တယ်လို. ဆိုပါတယ်။ အဲဒီကောင်စီကို စက်မှုလက်မှုဆိုင်ရာ ဥပဒေတွေ သတ်မှတ်ပိုင်ခွင့်ကိုလည်း ပေးအပ်ပြီး အဲဒီ စည်းမျဉ်း ဥပဒေတွေကို သက်ဆိုင်ရာ ၀န်ကြီးဌာနတွေနဲ. လွှတ်တော်ရဲ. ချုပ်ကိုင်မှု အောက်မှာသာ ရှိသင့်တယ်လို. ဆိုပါတယ်။ သူ.အယူအဆတချို.ဟာ စိတ်ဝင်စားဖို. ကောင်းလို. ဆက်လေ့လာရပါဦးမယ်]

                           [နောက် ၂ လ ကျော်လောက် ကြာဦးမယ့် အပိုင်း (၆) မှာတော့ ဒီမိုကရေစီ ပုံစံအမျိုးမျိုးနဲ. Federalism အကြောင်းကို (မိတ်ဆက်သဘော ဖြစ်ဖြစ်) သေချာ ပြောနိုင်အောင် ဆက်လက်ကြိုးစားသွားပါဦးမယ်။ အခုလို ပြီးတဲ့အထိ ဖတ်ရှုပေးတဲ့အတွက် အများကြီး ကျေးဇူးတင်ရပါတယ်။]


အဆင်ပြေနိုင်ကြပါစေ။
ခွန်းချို
စက် ၂၇ - အောက် ၂   

ဒီမိုကရေစီနှင့် စပ်လျဉ်းသော အရေးအသားများ (အပိုင်း - ၄)

အကြိုက်ဆုံးအာဏာရှင်စနစ် (အမှာစာ)




                              ဒီမိုကရေစီအကြောင်းကို တတွတ်တွတ် ရေးနေ၊ ပြောနေတဲ့ကောင်က အကြိုက်ဆုံးအာဏာရှင်စနစ်လို. ပြောလိုက်လို. အထင်မလွဲစေလိုပါ။ ကမ္ဘာပေါ်မှာ ကျွန်တော် အကြိုက်ဆုံး အာဏာရှင်တစ်ယောက် ရှိကြောင်း ၀န်ခံလိုပါတယ်။ သူကတော့ ၁၉၅၉ - ၁၉၉၀ ထိ စင်ကာပူနိုင်ငံရဲ. ပထမဆုံးဝန်ကြီးချုပ် လုပ်ခဲ့ပြီး လက်ရှိချိန်ထိ Minister Mentor (၀န်ကြီး အကြံပေး) လုပ်နေသေးတဲ့ လီကွမ်ယု (Lee Kuan Yew) ပဲဖြစ်ပါတယ်။ ကမ္ဘာပေါ်မှာ သက်တမ်းအရှည်ဆုံးဝန်ကြီးချုပ် (၃၁ နှစ်ကြာ)၊ တစ်ဦးတည်းသော အများအကျိုးဆောင် အာဏာရှင် (Benevolent Dictator) လို. ပြောရင် လွန်မယ် (လုံးဝ) မထင်ပါ။ သူတည်ထောင်ခဲ့တဲ့ People’s Action Party (၁၉၅၉ - လက်ရှိ) ဟာ ဂျပန်က Liberal Democratic Party of Japan (LDPJ) လို၊ ထိုင်ဝမ်က Kuomintang လို၊ တောင်အာဖရိကနိုင်ငံက မင်ဒဲလား ရဲ. African National Congress Party လို၊ အိန္ဒိယက Sonia Gandhi ရဲ. Indian National Congress Party တို.လိုမျိုး Dominant Party System အမျိုးအစား ဖြစ်ပါတယ်။ (Party System တွေအကြောင်းကို အောက်မှာ ရှင်းလင်းထားပါတယ်) ၁၉၅၉ ကတည်းက ရွေးကောက်ပွဲတိုင်း အနိုင်ရထားတော့ အာဏာကို အပိုင်စီးထားသလို၊ ပါလီမန်ကို `ချုပ်´ ထားသလို ဖြစ်နေတယ်။ နိုင်ငံရေးအရကြည့်ရင် Political Democracy မရှိဘူးလို. ပြောနိုင်ပါတယ်။ (ဥပမာ - လီကွမ်ယု ကို ကြည့်မရလို. လမ်းပေါ်မှာ ဆန္ဒပြ၊ အော်ဆဲရင် `အထဲ´ ရောက်နိုင်တယ်။ အော်ချင်တိုင်း၊ ရေးချင်တိုင်း အော်ခွင့်၊ ရေးခွင့် မရှိ။ လူ.အခွင့်အရေးကန်.သတ်ချက်တချို. ရှိ။ ညစ်ညမ်းဝက်ဘ်ဆိုက်တချို.ကို ပိတ်ပင်ထား။ နိုင်ငံရေးသဘောထားကွဲလွဲမှုကို အဖြစ်မခံ၊ ထိန်းချုပ်ကန်.သတ်ထားတယ်) ဒါပေမဲ့ လီကွမ်ယု တကယ်ကျင့်သုံးခဲ့တဲ့ လမ်းစဉ်က Economic Democracy လို. ခေါ်ပါတယ်တဲ့။ အလွယ်ပြောရရင် Economic Democracy ဆိုတာ လူမှုရေးနဲ. စီးပွားရေး သာတူညီမျှရှိရေး၊ တိုးတက်တည်ငြိမ်မှုရှိရေးတို.ကို အဓိက ဖော်ဆောင်တဲ့ (နိုင်ငံရေးနဲ. မဆိုင်တဲ့) အယူအဆတစ်မျိုး ဖြစ်ပါတယ်။ အစိုးရက ချုပ်ကိုင်ထားတဲ့ စီးပွားရေးလက်ဝါးကြီးအုပ်မှု (Centralized Corporate Monopoly/ Corporate Capitalism) တွေတော့ ရှိတယ်။ ဒါပေမဲ့ တခြား ဘယ်အာဏာရှင်တွေနဲ.မှ မတူတဲ့အချက်က ပြည်သူလူထုရဲ. လူမှုစီးပွား ဖွံ.ဖြိုးတိုးတက်မှု (Socio-economic Development) ကို အမြဲရှေးရှု အာရုံစိုက်တာပါပဲ။ Social Equality (လူမှုညီမျှချက်) နဲ. Scarcity Management (သယံဇာတ ရှားပါးမှု စီမံခန်.ခွဲတာ) ကို နိုင်နိုင်နင်းနင်း ကိုင်တွယ်ဖြေရှင်းနိုင်တယ်။ Development Plan ကို ရေတိုရော ရေရှည်စီမံကိန်းတွေရော ချမှတ်တယ်။ ပညာရေးကို လွတ်လပ်ရေးရကတည်းက နိုင်ငံတည်ဆောက်ရေးအတွက် လက်နက်တစ်ခုလို အသုံးချတယ်။ ၁၉၆၀ တ၀ိုက်လောက်က စင်ကာပူရဲ. စီမံကိန်းအုတ်မြစ်တချို.ကို ပြောပြချင်ပါတယ်။ (Ruth Gruber တည်းဖြတ်တဲ့ ၁၉၆၅ ခုနှစ်ထုတ် Science and the New Nations စာအုပ်ကို မှီငြမ်းပါတယ်။ ပန်းဆိုးတန်းလမ်းဘေးက ပေါချောင်ကောင်း ကောက်ရတဲ့ အဲဒီစာအုပ်ဟောင်းကြီးက ၁၉၆၀၊ အစ္စရေးမှာ ကျင်းပခဲ့တဲ့ သိပ္ပံပညာရှင်တွေနဲ. နိုင်ငံရေးခေါင်းဆောင်တွေ တွေ.ဆုံဆွေးနွေးကြတဲ့ ညီလာခံမိန်.ခွန်းတွေကို စုစည်းတည်းဖြတ် ထုတ်ဝေတာမျိုး။ အဲလိုမျိုး သိပ္ပံနဲ. နိုင်ငံရေး တွေ.ဆုံညီလာခံလုပ်တာ ကမ္ဘာပေါ်မှာ ပထမဆုံးလို. ဆိုတယ်။ အဲဒီ ညီလာခံမှာ စင်ကာပူပညာရေးဝန်ကြီး Yong Nyuk Lin မိန်.ခွန်းတက်ပြောပါတယ်။ စာအုပ်ထဲမှာ ပါတဲ့ အဲဒီ မိန်.ခွန်းအကြောင်း နည်းနည်းပြန်ပြောပြချင်ပါတယ်) အဲဒီတုန်းက (၁၉၅၉ - ၁၉၆၀) စင်ကာပူလူဦးရေရဲ. ၄၃ ရာခိုင်နှုန်းက အသက် ၁၅ အောက် ကလေးတွေတဲ့။ အဲတော့ နိုင်ငံတော်ဘဏ္ဍာရဲ. ၄ ပုံ ၁ ပုံ ကို ပညာရေးအတွက် (တကယ်) အပြည့်သုံးတယ်။ ၆ နှစ်ကြာတက်ရတဲ့ မူလတန်းပညာရေးကို ကလေးတိုင်း (အခမဲ့) တက်စေခဲ့တယ်။ မူလတန်းပြီးတော့မှ ပညာရေးဓာတ်ခံ အထုံမပါတဲ့ ကလေးတွေကို Vocational Schooling (အသက်မွေးဝမ်းကြောင်းဆိုင်ရာ ပညာသင်ကျောင်း) မှာ ၂ နှစ် တက်စေပြီး Semi-skilled workers (အသင့်အတင့် ကျွမ်းကျင်လုပ်သား) ဖြစ်လာအောင် လေ့ကျင့်သင်ကြားပေးတယ်။ ပညာရေးလိုလားတဲ့ (Academically-inclined) ကလေးတွေကျတော့ အဲဒီ အခမဲ့ မူလတန်းပြီးရင် အလယ်တန်းပညာရေး (Secondary Education) ကို ဆက်တက်စေတယ်။ အလယ်တန်းမှာမှ Academic, Technical, Commercial Types စသဖြင့် ခွဲခြား ရွေးချယ် သင်ပေးတယ်။ (အခမဲ့ မဟုတ်တော့ဘူး) လူမျိုးကွဲများသလို (Chinese, Malayan, Indian) ဘာသာစကားကွဲများတဲ့ (English, Chinese, Malay, Tamil စသဖြင့်။ အဲဒီတုန်းက အပြောအများဆုံးက Malay နဲ. English) စင်ကာပူနိုင်ငံငယ်လေးရဲ. အလယ်တန်းပညာရေး ထုတ်ကုန်ဟာ ကလေးတိုင်း ဘာသာစကား ၂ ခု အနည်းဆုံး တတ်ကိုတတ်ရမယ် ဆိုတာပါပဲ။ နိုင်ငံလူဦးရေ ၁.၆ သန်းမှာ ၈၀ ရာခိုင်နှုန်းက တရုတ်လူမျိုးတွေ ဆ်ိုပေမယ့် ၁၉၅၉ ရွေးကောက်ပွဲမှာ အပြတ်အသတ် အနိုင်ရထားတဲ့ လီကွမ်ယုရဲ. People’s Action Party က တရားဝင် ရုံးသုံးဘာသာစကားကို Malay ကိုသာ အဲဒီတုန်းက သတ်မှတ်ထားခဲ့တယ်။ (သူတို. လွတ်လပ်ရေးရဖို. Malaya တို.က ပူးပေါင်းကူညီပေးခဲ့တာကို ဂုဏ်ပြုတဲ့ သဘောမျိုးနဲ.လို. ဆိုတယ်။ အခု နာမည်ကျော် NUS (National University of Singapore) ဆိုတာ အရင်တုန်းက University of Malaya လို. ခေါ်ခဲ့တာ၊ ၁၉၆၂ ရောက်မှ University of Singapore ဆိုပြီး ဖြစ်လာပြီး Malaya တို.ရဲ. လွှမ်းမိုးမှုကို တဖြည်းဖြည်းချင်း လျှော့ချခဲ့တယ်) စင်ကာပူနိုင်ငံ အဘက်ဘက်က တိုးတက်မှုမှာ Polytechnic Institute က အဓိကနေရာမှာ ပါဝင်ပြီး Professional Technicians တွေ မွေးထုတ်ပေးတယ်။ အဲဒီတုန်းက တက္ကသိုလ်ပညာရေး (Higher Education) ကို သင်ယူတာ တစ်နိုင်ငံလုံးမှာမှ ၁,၆၂၅ ယောက်ပဲ ရှိခဲ့တယ်တဲ့။

                         ကမ္ဘာကြီးကို ကိုင်လှုပ်ခဲ့တဲ့ တရုတ်တို.ရဲ. ကွန်မြူနစ်ဝါဒ၊ အိန္ဒိယရဲ. ပါလီမန် ဒီမိုကရေစီစနစ်၊ အင်ဒိုနီးရှားရဲ. Guided Democracy တို.တွေနဲ. ယှဉ်ပြိုင်နိုင်ဖို.အတွက် တစ်သီးပုဂ္ဂလ လွတ်လပ်မှုအပေါ် ကန်.သတ်ချက်တချို. ပြဌာန်းထားတဲ့ ပါလီမန် ဒီမိုကရေစီစနစ်မျိုးကိုသာ ကြိုးစားထိန်းခဲ့တယ်။ ၀န်ကြီးပြောတဲ့ မိန်.ခွန်းထဲမှာ မှတ်သားဖွယ် အကောင်းဆုံးကတော့ “We require more discipline of the masses without overstepping into totalitarianism. In short, we hope to change the social structure of Singapore through peaceful revolution – by legislation, by example, and by honest hard work.” ဆိုတာလေးပါပဲ။ ရှေ.မှာ Totalitarianism လို.ပြောပြီး နောက်မှာ Peaceful Revolution လို.ပြောတာကို ကြည့်ရင် အဲဒီတုန်းက “ဟော့” ဖြစ်နေတဲ့ ထင်တိုင်းကြဲ အာဏာရှင်ဝါဒနဲ. ကွန်မြူနစ်ဝါဒတို.ကို သာသာလေး `နှိပ်´ ထားသလိုပဲ။ ဘာသာပြန်ကြည့်ရရင်

                        `အကြွင်းမဲ့အာဏာရှင်စနစ်ထဲကို ဘောင်ကျော်၊ သွတ်သွင်းစရာမလိုဘဲ ပြည်သူလူထုဘက်က အလိုက်တသိ စည်းကမ်းထိန်းသိမ်းမှု ရှိတာမျိုးကို ကျွန်တော်တို.အနေနဲ. ပိုအလိုရှိပါတယ်။ အတိုချုံးပြောရရင် စင်ကာပူရဲ. လူမှုစနစ်တည်ဆောက်ပုံကို ဥပဒေတွေ သေချာချမှတ်ပြီး ရိုးရိုးသားသား ကြိုးစားဆောင်ရွက်ကြရင်း စံနမူနာပြ နေထိုင်ကာ ငြိမ်းချမ်းသာယာစွာ ပြုပြင်ပြောင်းလဲသွားနိုင်ဖို. ကျွန်တော်တို. မျှော်လင့်မိပါတယ်။ ´

ပါတီစနစ် ၄ မျိုး

အပေါ်မှာတုန်းက Dominant Party System လို. ရေးခဲ့မိလို. ကြုံတုန်း Party System ၄ မျိုးအကြောင်း မိတ်ဆက်သဘောမျိုး ပြောချင်ပါတယ်။

(၁) Single-party System ။ ။ အဲဒီစနစ်က ဒီမိုကရေစီနိုင်ငံတွေမှာ မရှိဘူး။ ဥပမာ - BSPP (ခေါ်) မဆလပါတီ၊ တရုတ်နဲ. ဗီယက်နမ်တို.က ကွန်မြူနစ်ပါတီ၊ ကျူးဘား၊ လာအို၊ မြောက်ကိုရီးယားတို.က လက်ဝဲယိမ်းတဲ့ ဆိုရှယ်လစ်/ကွန်မြူနစ်ပါတီတွေလိုမျိုး…..စသဖြင့်….။ အာဏာရှင် ဆန်တယ်။ အထက် --> အောက် တိုက်ရိုက်ပုံစံပဲ သွားတယ်။

(၂) Multi-party System ။ ။ ကမ္ဘာ.နိုင်ငံအများစုမှာ အဲဒီစနစ်ကျင့်သုံးပါတယ်။ ဥပမာ - ပြင်သစ်၊ အီတလီ၊ ဂျာမနီနဲ. UK မှာ Liberal Democrats, Conservative, Labour ဆိုပြီး ကွဲသလိုမျိုး….စသဖြင့်…..) ယှဉ်ပြိုင်မှုသဘော (Competitive) ဖြစ်တယ်။

(၃) Two-party System ။ ။ ဒီစနစ်က ရှင်းတယ်။ ကျင့်သုံးတဲ့ နိုင်ငံတော့ ရှားတယ်။ ဥပမာ - ဇင်ဘာဘွေ၊ ပါလက်စတိုင်း၊ အမေရိကန် (Democratic vs. Republican)….စသဖြင့်) သူလည်း Competitive ဖြစ်တယ်။

(၄) Dominant Party or One-party System (လူကြိုက်များ၊ သက်တော်ရှည်ပါတီ) ။ ။ Single-party System နဲ. ကွဲတဲ့အချက်က ဒီမိုကရေစီ ဆက်စပ်ရပ်ဝန်းတွေ (Democratic Contexts) မှာ Dominant Party စနစ် ဖြစ်နိုင်တယ်ဆိုတာနဲ. အာဏာရှင် မဆန်ဘူးဆိုတာပါပဲ။ ဥပမာ - အိန္ဒိယရဲ. Dominant Party ဖြစ်တဲ့ Indian National Congress ကို ဒီမိုကရေစီ တည်ငြိမ်မှု ဖော်ဆောင်နိုင်လို. ဆိုပြီး အိန္ဒိယလူမျိုးတွေက လိုလားစွာ မှတ်ယူထောက်ခံထားကြတာ တော်တော်ကြာပါပြီ။ စင်ကာပူကော ဘာထူးသေးလဲ။ ၂၀၀၆ ရွေးကောက်ပွဲတုန်းက PAP က ပါလီမန်အမတ် နေရာစုစုပေါင်း ၈၄ မှာ ၈၂ နေရာတောင် အနိုင်ရခဲ့တယ်ဆိုပဲ။ သဘောက အစိုးရ Active ဖြစ်နေသရွေ. (တိုင်းပြည်နဲ. လူမျိုး အကျိုးစီးပွားကို တကယ်ဆောင်ရွက်နေသရွေ.) လူထုက Passive ဖြစ်ပြီး နှပ်နေရုံ၊ ထောက်ခံနေလိုက်ရုံပါပဲ။ အကယ်၍ အစိုးရက Active မဖြစ်ဘူးဆိုရင်တော့ …………………။

ပါလီမန်စနစ် (Parliamentary System) 


                            ပါလီမန်စနစ်မှာ Head of Government (Prime Minister) နဲ. Head of State (Figurehead/Hereditary Monarch/Constitutional Monarch) တို.အကြောင်း။ (Head of State = နိုင်ငံတော် အကြီးအကဲ // Head of Government = အစိုးရ အကြီးအကဲ) Figurehead ဆိုတာ လုပ်ပိုင်ခွင့်မရှိတဲ့ အဆောင်ယောင် ဟန်ပြခေါင်းဆောင် (Ceremonial Symbol သဘောမျိုး)။ အိန္ဒိယရဲ. Figurehead က သမ္မတ၊ UK မှာဆို ဘုရင်မ၊ ဂျပန်၊ ထိုင်းနဲ. စပိန်တို.မှာဆို Figurehead က ဘုရင် စသဖြင့်။ Head of Government ဖြစ်တဲ့ ၀န်ကြီးချုပ်ကသာ တကယ်လုပ်ရတဲ့ ခေါင်းဆောင်။ Parliamentary System မှာမှ လွှတ်တော်တစ်ရပ် (Unicameral System) ရှိတဲ့ နိုင်ငံတွေ (စင်ကာပူ၊ နီပေါ၊ ဘင်္ဂလားဒေ့ရှ်……) ရှိသလို လွှတ်တော် နှစ်ရပ် --> (Two Houses) --> (အထက်လွှတ်တော် + အောက်လွှတ်တော်) --> (Upper Chamber + Lower Chamber) --> (Bicameral System) ရှိတဲ့ အိန္ဒိယ၊ ဂျပန်၊ UK …………စသဖြင့် ရှိပါတယ်။ အုပ်ချုပ်ရေးကိုင်းခွဲ (Executive Branch) ကို ၀န်ကြီးချုပ် ဦးဆောင်တဲ့ Cabinet (၀န်ကြီးများအဖွဲ.) တို.က ဦးစီးပြီး ဥပဒေပြုအဖွဲ. (Legislature) ကို တိုက်ရိုက်တာဝန်ခံ လိုက်နာရသလို Legislature ကလည်း နောက်ကွယ်ကနေ စောင့်ကြည့်နေပါတယ်။ (Legislature ကို Parliament (သို.) Diet (သို.) Chamber စသဖြင့် ခေါ်ကြတယ်။ ပါလီမန်စနစ်မှာ ပုံမှန်အားဖြင့် Legislature ကို ၀န်ကြီးချုပ်က ဖြစ်စေ၊ Cabinet က ဖြစ်စေ၊ (၀န်ကြီးချုပ် + Cabinet) က ဖြစ်စေ တရားဝင် ဖျက်သိမ်းပိုင်ခွင့်ရှိတယ်။ ဓနသဟာယနိုင်ငံတွေ (UK, Canada, Australia, New Zealand) မှာတော့ ပါလီမန်စနစ်ကို Westminster System လို.ခေါ်ကြတယ်။ လန်ဒန်က Houses of Parliament ကို Palace of Westminster လို.လည်း တင်စားခေါ်ဝေါ်ကြတယ်။ အခန်းကဏ္ဍတွေ၊ လုပ်ဆောင်ပုံတွေကတော့ နိုင်ငံအလိုက် ကွာခြားမှု ရှိနိုင်ပါတယ်။



သမ္မတစနစ် (Presidential System)


                           သမ္မတစနစ်မှာ Head of State နဲ. Head of Government က သမ္မတ တစ်ယောက်တည်းပဲ။ ရှင်းတယ်။ အဓိက အခြေခံထားတာက Legislative နဲ. Executive ကို ခြားနားရေးပါပဲ။ Separation of Powers အရ ဥပဒေတွေကို Legislative Power က ပြဌာန်းပေမယ့် သမ္မတ မှာ Veto ရှိတယ်။ ဒါပေမဲ့ Legislative ရဲ. Supermajority (ပေါင်းစည်းစွမ်းအားအများစု) က အဲဒီ သမ္မတ Veto ကို ဖယ်ရှားနိုင်တယ်။ သမ္မတနဲ. ဥပဒေပြုအဖွဲ. (Legislature) ကြားမှာ Checks and Balances System နဲ. ပါဝါ သုံးသပ်ချိန်ဆမှုတွေ ပြုလုပ်ကြတယ်။ ဥပဒေတွေ ပြဌာန်းတဲ့အခါ သမ္မတမှာ အထူးခံစားခွင့်အာဏာတွေ ရှိတယ်။ ဥပဒေမူကြမ်းတွေကို Veto သုံးပြီး ပယ်ချနိုင်တယ်။ သမ္မတမှာ သက်တမ်းရှိသလို (၄ နှစ် (သို.) ၅ နှစ်) Legislature မှာလည်း သက်တမ်းရှိတယ်။ သက်တမ်းစေ့မှ Legislature ကို ဖျက်သိမ်းပိုင်ခွင့် ရှိတယ်။ Legislature ကို ဂရုစိုက်စရာမလိုဘဲ ၀န်ကြီးအဖွဲ.၀င်ကို သမ္မတက စိတ်ကြိုက်ရွေးချယ်နိုင်တယ်။ သံအမတ် (Ambassador) ကိုလည်း Head of State အဖြစ် သမ္မတမှာ သတ်မှတ်ပိုင်ခွင့်အာဏာ ရှိတယ်။ နိုင်ငံခြားရေးမူဝါဒ (Foreign Policy) ကို စိတ်ကြိုက်ဆောင်ရွက်နိုင်ရန် အာဏာ ပေးအပ်ခံထားရခြင်း သဘောမျိုး။ သမ္မတမှာ ဖွဲ.စည်းပုံဆိုင်ရာ အာဏာ (Constitutional Authority) ရှိတယ်။ သမ္မတကို စစ်သေနာပတိ (Commander-in-chief) ဆိုတဲ့ Constitutional Title ကို မည်ကာမတ္တ သဘောမျိုး ပေးအပ်ထားပြီးသားလည်းဖြစ်တယ်။


ကပြား စနစ် (သို.) သမ္မတ တစ်ပိုင်း၊ ပါလီမန်တစ်ပိုင်း စနစ် (Semi-presidential System/ Hybrid System)


                          ပြင်သစ်လို Semi-presidential system ကျင့်သုံးတဲ့ နိုင်ငံမျိုးလည်း ရှိတယ်။ အဲဒီစနစ်က ပြင်သစ်မှာ စပေါ်ပြီး “a régime semi-présidentiel” ဆိုတဲ့ ပြင်သစ်စကားက ဆင်းသက်လာတယ်။ Semi-presidential System မှာ ၀န်ကြီးအဖွဲ.က Legislature ကို တာဝန်ခံ လိုက်နာစရာ မလိုဘူး။ သမ္မတက စိတ်ကြိုက် ၀န်ကြီး ရွေးနိုင်တယ်။ Head of State က အဆောင်ယောင် Figurehead မျိုးမဟုတ်ဘဲ အများဆန္ဒနဲ. ခေါင်းဆောင်အဖြစ် ရွေးကောက်ခံရတာမျိုး။ သမ္မတရော၊ ၀န်ကြီးချုပ်ရော (ဟန်ပြသက်သက် Symbol မဟုတ်ဘဲ) တက်ကြွလှုပ်ရှားအုပ်ချုပ်ကြတယ်။ (ဥပမာ - ရုရှား၊ တရုတ်၊ ဗီယက်နမ်၊ Finland၊ ဇင်ဘာဘွေ၊ သီရိလင်္ကာ စသဖြင့်….သမ္မတရော ၀န်ကြီးချုပ်ရော တက်ကြွစွာ အုပ်ချုပ်တယ်) ပါလီမန် ရှိပေမယ့် ပါလီမန် အလုပ်ကို လျှော့ချတယ်။ ပါလီမန်က ဥပဒေပြဌာန်းပိုင်ခွင့် သိပ်မရဘူး။ အစိုးရအဖွဲ.ကသာ အဓိကကျတယ်။ သမ္မတနဲ. ၀န်ကြီးချုပ်ကြားမှာ Division of powers ရှိတယ်။ ဥပမာအလွယ်ပေးရရင် သမ္မတက Foreign Affairs (ပြည်ပရေးရာ) ကိုင်ရင် ၀န်ကြီးချုပ်က Domestic Affairs (ပြည်တွင်းရေး) ကိုင်တယ်။ သမ္မတနဲ. ၀န်ကြီးချုပ်ကြား အာဏာခွဲဝေမှု မရှင်းခဲ့ရင်သော်လည်းကောင်း၊ ဖွဲ.စည်းပုံအခြေခံဥပဒေနဲ. တိုက်စစ်ကြည့်လို. မရှင်းလင်းရင်သော်လည်းကောင်း နိုင်ငံရေးညီလာခံ ကျင်းပပြီး အဖြေရှာကြရတယ်။ တချို.နိုင်ငံတွေကတော့ Constitution ထဲမှာ Division of Powers ကို ရှင်းရှင်းလင်းလင်း တွေ.ရတတ်တယ်။ ၀န်ကြီးများအဖွဲ. (Cabinet) က သမ္မတရော ၀န်ကြီးချုပ်နဲ.ရော အဆင်ပြေအောင် ပူးပေါင်းဆောင်ရွက်ရတယ်။ သမ္မတနဲ. ၀န်ကြီးချုပ်ကြား နိုင်ငံရေးခံယူချက် မတိုက်ဆိုင်တဲ့အခါမျိုး ရှိနိုင်တယ်။ အဲဒီအခါ “Cohabitation” လို.ခေါ်တဲ့ လက်မထပ်ဘဲ Living-together နေတာမျိုးကို ကျင့်ကြံကြရတာပေါ့။ ဥပမာ - ၁၉၈၆ က ပြင်သစ်မှာ သမ္မတက လက်ဝဲ၀ါဒီ (Leftist) ၊ Legislative Election (ဥပဒေပြုရွေးကောက်ပွဲ) မှာ ပြည်သူလူထုက ရွေးကောက်တင်မြှောက်လိုက်တဲ့ ၀န်ကြီးချုပ်က လက်ယာဝါဒီ (Rightist) ။ အဲဒီတော့ သမ္မတမှာ မချစ်သော်လည်း အောင့်ကာ မနမ်းချင်ရင်တောင်မှ Living-together နေကို နေရတဲ့ အခြေအနေမျိုးကို ရောက်သွားရောပေါ့ ။ (အဲဒီ Semi-presidential system ကိုရော၊ Cohabitation ကိုရော ကျွန်တော် သေချာနားမလည်သေးပါ။ မချစ်ပါဘူးဆိုမှ ဘယ်သူက အတူနေချင်ပါ့မလဲကွယ်) Secularism, Leftist, Rightist ဆိုတဲ့ စကားလုံးတွေဟာ ၁၇၈၉ က အခွင့်ထူးခံလူတန်းစားတွေကို ဖြုတ်ချနိုင်ခဲ့တဲ့ ကမ္ဘာကျော် ပြင်သစ်တော်လှန်ရေး (French Revolution) အပြီးမှာ တီထွင်၊ ပေါ်ပေါက်လာကြတာ ဖြစ်ပါတယ်။ အပေါ်ယံအားဖြင့် လက်ဝဲယိမ်းနိုင်ငံရေး (Left-wing Politics)ဆိုတာ ဆိုရှယ်လစ်ဝါဒ (Socialism), မင်းမဲ့ဝါဒ (Anarchism) တို.ကို ကိုယ်စားပြုပြီး လက်ယိမ်းနိုင်ငံရေး (Right-wing Politics) ဆိုတာ အရင်းရှင်ဝါဒ (Capitalism)၊ Conservative ၊ Liberal Democracy ၊ ဈေးကွက်စီးပွားရေး (Market Economy) တို.ကို ရည်ညွှန်းပါတယ်။

                               ယေဘုယျအားဖြင့် သမ္မတစနစ်မှာ နိုင်ငံရေးအယူအဆ ကွဲလွဲတဲ့ ပါတီ ရှားတတ်တယ်။ [ဥပမာ - အမေရိကန် (Democratic Vs. Republican) Two-party System] ပါလီမန်စနစ်မှာတော့ Ideology ကွဲလွဲတဲ့ ပါတီ များတတ်တယ်။ [ဥပမာ - UK၊ Multi-party System] Semi-presidential System ကတော့ သမ္မတ ပါတီနဲ. ၀န်ကြီးချုပ် ပါတီကြား မူဝါဒကွဲတာ အမျိုးမျိုး ရှိနိုင်ပါတယ်။

                               အခုရေးခဲ့တာတွေဟာ အကြမ်းဖျင်း ပင်မကြောရိုး စမ်းပြရုံလောက်မျှသာ ဖြစ်လို. ပုံသေကားချပ် အတိအကျ မမှတ်ယူစေလိုပါ။ Semi-presidential System မဟုတ်ဘဲ သမ္မတစနစ်ထဲ အကျုံးဝင်ပေမယ့် ၀န်ကြီးချုပ်လည်း ရှိနေတဲ့ တောင်ကိုရီးယားနဲ. သီရိလင်္ကာတို.လို ခြွင်းချက်နိုင်ငံတွေလည်း ရှိနေပါတယ်။ သမ္မတစနစ်ဆိုပေမယ့် တောင်အာဖရိကနိုင်ငံရဲ. တကယ့် အစိုးရစနစ်ကို အတိအကျအားဖြင့် Mixed Republican System လို.ခေါ်ပါတယ်တဲ့။ အသေးစိတ် အတိအကျ မှန်မှန်ကန်ကန် ကျယ်ကျယ်ပြန်.ပြန်. သိနိုင်ဖို.အတွက် အများကြီးကို လေ့လာရပါဦးမယ်။



ဒီမိုကရေစီနဲ. စပ်လျဉ်းမှု ရှိ၊ မရှိ


                        အပေါ်ကဟာတွေကို ဖတ်ပြီး ဒီမိုကရေစီနဲ. ဘာမှ မဆိုင်ဘူးလို. မထင်လိုက်ပါနဲ.။ ဒီမိုကရေစီနိုင်ငံတွေ ဆိုပေမယ့် အစိုးရဖွဲ.စည်းအုပ်ချုပ်ပုံအမျိုးမျိုး ကွဲနေနိုင်သေးတယ် ဆိုတဲ့ အချက်ကိုသာ အဓိက ရည်ညွှန်းလိုရင်းပါ။ အုပ်ချုပ်ပုံ၊ ဖွဲ.စည်းပုံ ကွဲတဲ့အတွက် နိုင်ငံသားရပိုင်ခွင့်မှာ ကွဲနိုင်သလို လူ.အခွင့်အရေး ကန်.သတ်မှုမှာလည်း အမျိုးမျိုး ကွဲထွက်ကုန်ပါတယ်။ အဲဒီတော့ ဒီမိုကရေစီစနစ်ဆိုတာကြီးမှာလည်း ပြဿနာတွေ၊ စိန်ခေါ်မှုတွေ၊ ၀ိရောဓိတွေနဲ. ရင်ဆိုင်ကြုံတွေ.လာခဲ့ရပါပြီ။ ဒီမိုကရေစီ အကြောင်း တစ်ကျော့ပြန် ရောက်ရှိလာပြန်ပါပြီ။



၃းဝ ။ ။ မဲဆန္ဒ ပြဿနာ၊ ၀ိရောဓိ အသွင် ၃ မျိုး၊ လူ.အခွင့်အရေး ကန်.သတ်ချက်တချို.နှင့် ကျင့်ဝတ်




၃း၁ ။ ။ ဒီမိုကရေစီနှင့် မဲဆန္ဒ ပြဿနာ




                             ဆိုကြပါစို.။ တစ်နိုင်ငံလုံးမှာ မဲပေးနိုင်တဲ့ လူဦးရေ ၁၀၀ % မှာ ၅၀ % က မဲ မပေးဘဲ နေရင် ဘယ်လိုလုပ်မလဲ။ ကျန်တဲ့ မဲပေးမယ့်လူ ၅၀ % မှာမှ လူကြိုက်များ ပါတီ ၂ ခု က အသာရအောင် လုကြရမယ်။ ပါတီ A က တစ်နိုင်ငံလုံးရဲ. မဲဆန္ဒရှင် စုစုပေါင်း ၁၀၀ % မှာ ၂၆ % ရပြီး ၂၄ % ပဲရတဲ့ ပါတီ B ကို ရွေးကောက်ပွဲမှာ အနိုင်ရသွားတယ်ဆိုပါစို.။ ဒီမိုကရေစီ ဟုတ်ပါ့ဦးမလား။ စဉ်းစားစရာ ဖြစ်လာပြီ။ Majority Rule သဘောကို မေးခွန်းထုတ်စရာ ဖြစ်လာပြီ။ အမေရိကန်နဲ. ဗြိတိန်နိုင်ငံတို.မှာ အဲလို ဖြစ်ရပ်လေးတွေ ရှိခဲ့ဖူးတယ်။

                           အဲဒီ အနိုင်ရတဲ့ ပါတီ A ကို မဲဆန္ဒရှင် စုစုပေါင်းရဲ. ၇၄ % ကြီးများတောင် မဲ မပေးဘဲ နေခဲ့ကြတာဆိုတော့ ဒီမိုကရေစီ နားစေး၊ ချောင်းဆိုး ကင်းပါဦးမလား။ ကိုယ့်ဘက်မှာ ပရိသတ်နည်းနေမှတော့ အဲဒီ ရွေးကောက်ခံရတဲ့ ပုဂ္ဂိုလ်က ပြည်သူလူထုတစ်ရပ်လုံး (၁၀၀ %) ကို ကိုယ်စားပြုနိုင်ပါဦးမလား။ စစ်မှန်တဲ့ ဒီမိုကရေစီစနစ် ဖော်ဆောင်ရာမှာ အဲလိုကိစ္စတွေက စိုးရိမ်ပူပန်မှုကို ဖြစ်စေတာတော့ အမှန်ပဲ။ အဲလိုတွေ မဖြစ်ရလေအောင် တချို.နိုင်ငံတွေမှာတော့ `မဲ မပေး၊ မနေရ´ ဥပဒေ ပြဌာန်းထားတယ်။ (ဥပမာ - ဟော်လန်) တချို.ကျတော့ မဟာမိတ်ဖွဲ.ပြီး ပြတ်ပြတ်သားသား အနိုင်ရဖို. ကြိုးစားကြတယ်။ (မဟာမိတ်အချင်းချင်း စည်းလုံး ခိုင်မာ တည်မြဲဖို.တော့ လိုမယ်) ပယ်မဲကို အားပေးတဲ့ တိုင်းပြည်တော့ မကြားဖူးသေးဘူး။

                           ဘာလို. မဲပေးသူ အရေအတွက်နည်းရသလဲ။ အကြောင်းအရင်း ၄ မျိုး ရှိနိုင်ပါတယ်။

(၁) မဲ ပေးဖို. စိတ်မ၀င်စားခြင်း (Voter Apathy)
(၂) မဲ ပေးခွင့် မရရှိခြင်း (Disfranchisement)
(၃) လူထု ကိုယ်စားမပြုတဲ့ ပါတီများ (Parties not representing people)
(၄) မဲ ပေးရာတွင် ခြိမ်းခြောက်ခံရခြင်း (Voter Intimidation)




                         မဲ ပေးဖို. စိတ်မ၀င်စားသူတွေ၊ မဲ မပေးလိုသူတွေကို တာဝန်မဲ့သူတွေ၊ မျိုးချစ်စိတ်မဲ့သူတွေလို. ဝေဖန် အပြစ်တင်လေ့ရှိကြတယ်။ (သူများနိုင်ငံတွေမှာပေါ့) လူ.အခွင့်အရေးများနဲ.အတူ တာဝန်သိတတ်မှု ရှိခြင်း (အသိနှင့် ယှဉ်သည့် လွတ်လပ်မှုမျိုး) ကို သူတို. အနောက်ဘက်မှာ တန်ဖိုးထားကြတယ်။ “With rights come responsibilities.” လို. ဆိုတယ်။ အဲဒီစကား မှန်ပေမယ့် မဲပေးခြင်းဆိုတာကိုက တစ်ခုတည်းသော အဓိကအကျဆုံး တာဝန်တစ်ရပ်မျိုးတော့ မဟုတ်သေးချေ။

                         ဆိုလိုတာ မဲ မပေးခင် သိသင့် သိထိုက်သော ဗဟုသုတများကိုလည်း ရင်းနှီးကျွမ်းဝင်ထားပါမှ မှန်ကန်တဲ့ ဆုံးဖြတ်ချက်တွေကို ချမှတ် လုပ်ဆောင်နိုင်မှာ ဖြစ်ပါတယ်။ အထင်ကရ ကမ္ဘာ.နိုင်ငံကြီးတွေမှာတောင် အနိုင်ရ ပါတီတွေဟာ တစ်ခုနဲ. တစ်ခု သ်ိပ်မကွာခြားလှဘဲ မဲပေးသူတို.အပေါ် အာမခံချက်တွေ၊ ကတိတွေ ထွေထွေထူးထူး ပေးနိုင်တာမျိုး၊ တည်နိုင်တာမျိုး မတွေ.ရသလောက်ပဲ။ အဲဒီတော့ မဲ မပေးဘဲ နေတာ (သို.) မဲ ပေးဖို. စိတ်မ၀င်စားတာဟာ ယုတ္တိ ရှိပြီးရင်း ရှိလာပြီ။ မဲ မပေးဘဲ နေတာကိုက အသိဥာဏ်ရှိတဲ့ ဆုံးဖြတ်ချက် (Informed Decision) လိုမျိုးတောင် ဖြစ်လာပြီလို. ယူဆရမယ်။ မီဒီယာဘက်က ပံ့ပိုးမှု အားနည်းတာ၊ စာနယ်ဇင်း အသုံးမကျတာတွေကြောင့်လည်း မဲ မပေးဖြစ်စေဖို. အကြောင်းတရားတွေ ဖြစ်နိုင်တယ်။ ပါတီတွေကိုကလည်း ပြည်သူလူထုဘက်က ရွေးချယ်စရာ နည်းအောင် တမင် ဖန်တီးနေကြတာမျိုးလည်း ဖြစ်နိုင်တယ်။

                          တချို.နိုင်ငံတွေမှာကျတော့ အကြမ်းဖက် ခြိမ်းခြောက်မှုတွေကြောင့် မဲ ပေးဖို. ခက်ခဲကြရတာမျိုးတွေ ရှိတယ်။ ဥပမာ - တပ်မတော်အလိုကျ ပါတီကလွဲလို. တခြားပါတီ မဲပေးရင် ဘာဖြစ်မယ်၊ ညာဖြစ်မယ် စသဖြင့် အဟန်.အတား လုပ်တတ်တာလေးတွေ ရှိတယ်။ ဇင်ဘာဘွေလို နိုင်ငံမျိုးပေါ့။ အာဏာရှင် မူဂါဘီကို ထောက်ခံတဲ့ စစ်တပ်ရဲ. ဆိုးရွားလာတဲ့ ခြိမ်းခြောက်မှုတွေကြောင့် အသာရနေတဲ့ အတိုက်အခံ Movement for Democratic Change (MDC) ပါတီကတောင် ရွေးကောက်ပွဲက နုတ်ထွက်ဖို. ဆုံးဖြတ်ခဲ့ကြတယ်။ အဲဒါတောင် အာဏာရှင် မူဂါဘီက အဓိပ္ပာယ် မရှိ၊ ဘယ်သူမှ မရှိတော့တဲ့ အဲဒီ ရွေးကောက်ပွဲ ဆက်လုပ်/ ဆက်ဝင်ပြိုင်ပြီး တစ်ဦးတည်း ပြိုင်ကာ အနိုင်ရသွားတာကို အရှက်မရှိ အောင်ပွဲခံနေသေးတယ်။

                           နိုင်ငံရေး (Politics) ဆိုတာ နိုင်ငံရေးသမား (Politicians) တွေလက်ထဲမှာသာ ထားထားလို.မရအောင်ကို အရေးကြီးတယ်လို. ယုံကြည်ပါတယ်။ နိုးကြားတက်ကြွတဲ့ အသိအမြင်များသူ နိုင်ငံသားတွေ ဖြစ်လာအောင် အားလုံး ကြိုးပမ်းကြသင့်ပါတယ်။

အဆင်ပြေနိုင်ကြပါစေ။
ခွန်းချို

ဒီမိုကရေစီနှင့် စပ်လျဉ်းသော အရေးအသားများ (အပိုင်း - ၃)

(အပိုင်း (၂) မှ အဆက်)

ကျောရိုး ခိုင်မာရန် အသိပညာစွမ်းရည် တိုးတက်ဖွံ.ဖြိုးစေခြင်းနှင့် စည်းလုံးညီညွတ်ရေးနည်းလမ်းများ

                           ပြန်ချုပ်ရလျှင် ဒီမိုကရေစီစနစ်ကြောင့် တိုင်းပြည်နှင့် လူမျိုး တိုးတက်တည်ငြိမ်မှုကို ရရှိနိုင်သည်မှာ ကြိမ်းသေသည်။ ဘယ်လို အသွင်ကူးပြောင်းကြမလဲနှင့် ခိုင်မြဲအောင် ဘယ်လို လုပ်မလဲ ဆိုလျှင် အပေါ် (အပိုင်း - ၂) က အချက်များကို ထည့်သွင်းစဉ်းစားကြရန် လိုအပ်ပါသည်။ ကျွန်တော်တို. ယခု အင်တာနက်နှင့် Facebook သုံးနေကြသည်။ အင်တာနက်နှင့် Facebook သည် ကမ္ဘာပေါ်မှာ ရှိသမျှအရာအားလုံးထက် ကျယ်ပြန်.နိုင်သော အရာများဖြစ်ပါသည်။ ထိုအရာတို.ကို အသုံးချရပါမည်။ ထိုသို. အသုံးချရာတွင် အရင်ဆုံး ဦးစားပေးလုပ်ရမည့် အချက်မှာ ကျွန်တော်တို.၏ ဗဟုသုတများ၊ သိမှတ်နားလည်မှုများကို ဒီမိုကရေစီအသွင်ကူးပြောင်းရပါမည်။ လူအနည်းငယ်သာ သိနေသေးသော အရာများကို သာမန်ပြည်သူအားလုံး (အထူးသဖြင့် မျိုးဆက်သစ်တို.) သိရှိနားလည်လာအောင် ဖြန်.ဖြူး မျှဝေပေးတတ်ရမည် ဖြစ်ပါသည်။ လုပ်နိုင်သော နည်းလမ်း ၄ မျိုးမှာ -

(၁) Online Deliberations (အွန်လိုင်းပေါ်တွင် Agenda တို.ကို စဉ်းစားဆွေးနွေး နှိုင်းချိန်မှု)

(၂) Proxy Dialogues (Deliberative Process ၊ ဆွေးနွေးဖြစ်စေရန် ကြားခံမီဒီယာတို.မှတဆင့် အပြန်အလှန်ပြောဆိုကြခြင်း)

(၃) Community Forums (နီးစပ်ရာ အသိုင်းအ၀ိုင်းတို.တွင် ဖိုရမ်တည်ဆောက်၊ လေ့ကျင့်၊ ဆွေးနွေး၊ အားလုံးကို ပါဝင်စေခြင်း)

(၄) Self-Facilitated Discussions (အိမ်တွင်ဖြစ်စေ၊ အလုပ်တွင်ဖြစ်စေ Discussion Guidelines များ ချမှတ်ကာ Video (သို.) တခြားတစ်ခုခုကို သုံးခြင်းဖြင့် Deliberative Process ဖြစ်အောင် လုပ်ကြခြင်း)

                       အထက်ပါနည်းလမ်းများ သုံးကြခြင်းဖြင့် တစ်ဦးနှင့် တစ်ဦးကြား သဘောတူညီမှုများ တည်ဆောက်ကြပြီး ဘုံကောင်းကျိုး (Common Good) တို.အတွက် ဖြေရှင်းနိုင်သော နည်းလမ်းများကို ရှာဖွေရမည် ဖြစ်သည်။ အားလုံး ပါဝင်လာနိုင်အောင်လည်း လှုံ.ဆော် စည်းရုံးရမည် ဖြစ်သလို ကြိုးကိုင်ချယ်လှယ်ခြင်း ကင်းဝေးစွာဖြင့် ဆွေးနွေး ပြောဆိုကြရမည် ဖြစ်သည်။ ဓမ္မဓိဌာန်ကျကျ တွေးခေါ် ပြောဆိုကြရမည်ဖြစ်သည်။ (America speaks အဖွဲ.မှ ထုတ်ဝေသော Millions of voices စာအုပ်ကို မှီငြမ်းပါသည်)

ဆွေးနွေးရာတွင် သိထားရမည့် အခြေခံဥပဒေသများ 

(၁) ပါဝင်ဆွေးနွေးသူများကို မှန်ကန်သော အသိပညာ၊ သတင်းအချက်အလက်နှင့် ဗဟုသုတတို.ကို လွတ်လပ်မျှတစွာ ဖြန်.ဖြူး ပို.ချ မျှဝေပေးရမည်။

(၂) ဆွေးနွေးရမည့်အချက်များ၊ ကိစ္စများ၊ Agenda များကို ဓမ္မဓိဌာန်ကျကျ ဘောင်ခတ်တည်ဆောက် စီစဉ်တတ်ရမည်။

(၃) တိုင်းရင်းသား လူမျိုးနွယ်စုမျိုးစုံ ပါဝင်နိုင်လေလေ ပိုမိုထိရောက်နိုင်လေ ဖြစ်သည်။

(၄) မူဝါဒဖန်တီးသူတို.နှင့် ယုံကြည်မှု (သို.) မယုံကြည်မှု တည်ဆောက်ကြရမည်။

(၅) အရည်အသွေးမြင့် စဉ်းစားဆင်ခြင် နှိုင်းချိန်တတ်ခြင်း (Quality Deliberation) ကို အသိအမှတ်ပြု အားပေးကြရမည်ဖြစ်သလို ကျောသားရင်သား မခွဲခြားဘဲ လွတ်လပ်စွာ ထုတ်ဖော်ပြောကြားမှုကို မြေတောင်မြှောက်ပေးကြရမည် ဖြစ်သည်။

(၆) ပြည်သူလူထု၏ တစ်သားတည်းဖြစ်သော သဘောထားကို ဖော်ထုတ်ပြသနိုင်ရမည်။

(၇) တခြား မပါဝင်သေးသူများ ပါဝင်လာအောင် စည်းရုံးကာ အင်အားစုဆောင်းရမည် ဖြစ်သလို အားလုံး ပါဝင်ထားမှု (Total Involvement) ကို ဆက်လက်ထိန်းသိမ်းသွားနိုင်ရမည်။


Long before the Soviet Union broke up, a group of Russian writers touring the United States were astonished to find, after reading the newspapers and watching television, that almost all the opinions on all the vital issues were the same. “In our country,” said one of them, “to get that result we have a dictatorship. We imprison people. We tear out their fingernails. Here you have none of that. How do you do it? What’s the secret?”

[ - John Pilger, “In the freest press on earth, humanity is reported in terms of its usefulness to US power” , 20 February, 2001]

                       အမေရိကန်ဒီမိုကရေစီ အောင်မြင် အဓွန်.ရှည်ရခြင်း၏ လျှို.ချက်ဝှက်များမှာ အပေါ်က ၇ ချက်နှင့် နည်းလမ်း ၄ မျိုး တို.ကိုကျင့်သုံးခြင်းတို.ကြောင့်ပင် ဖြစ်ရမည်ဟု ယုံကြည်နေမိပါသည်။ ထို ၇ ချက်နှင့် နည်းလမ်း ၄ မျိုးတို.ကို ကျင့်သုံးခြင်းဖြင့် ဒီမိုကရေစီအလေ့အထများကို နောင်လာနောင်သားတို.အတွက်  သန္ဓေတည် ပျိုးထောင်ကြရပါမည်ဖြစ်သလို ကျောရိုးခိုင်မာစေရန်လည်း ယင်းတို.ဖြင့်ပင် ဆက်လက်ဆောင်ရွက်သွားကြရန် နိုင်ငံသားတိုင်းတွင် တာဝန်ရှိပါသည်။  


၂း၂ ။               ။ အုပ်ချုပ်မှု အဓိကပုံစံနှစ်မျိုး မိတ်ဆက်                    

                    
                       ကျောရိုးမှာတင် တော်တော် ပေရှည်သွားလို. ဒီဟာကို မိတ်ဆက်မျှသာ ရေးပါရစေ။ ဒီမိုကရေစီနှင့် အသားကျပြီးသားနိုင်ငံတိုင်းတွင် အာဏာသုံးရပ်လုံး (Legislative, Executive, Judiciary) L, E, J ကို အပြည့်အ၀ ခွဲခြားထားခြင်း မရှိတတ်ပါ။ (ခွဲဖို. မလိုတာမျိုးလည်း ရှိတတ်၏။ မခွဲချင်တာမျိုးလည်း ရှိတတ်၏) တချို.ကျတော့ ပါဝါ တစ်ခုနှင့် တစ်ခု ထပ်နေတတ်သည်။ လွယ်လွယ်ပြောရရင် အာဏာခွဲခြားခြင်း (Separation of Powers) သည် သမ္မတစနစ်နှင့် ပို ဆက်စပ်မှု ရှိပြီး အာဏာပေါင်းစပ်ခြင်း (Fusion of Powers) သည် ပါလီမန်စနစ်နှင့် ပို၍ နီးစပ်သည်။ အမေရိကန်အစိုးရဖွဲ.စည်းပုံတွင် တိကျရှင်းလင်းသော ပါဝါ စည်းခြားမှုကို တွေ.ရသော်လည်း ဗြိတိန်တွင်မူ ဥပဒေပြုရေးနှင့် အုပ်ချုပ်ရေးအာဏာ နှစ်ခုပေါင်းစပ်ထားသော ပါလီမန်စနစ်မှာလည်း အောင်မြင်နေသည်ကို တွေ.ရ၏။ ပါဝါ ခြားနားမှုသဘောတို.နှင့် နိုင်ငံရေးလုပ်ရိုးလုပ်စဉ်တို.မည်သည် တစ်ခါတစ်ရံ ရှုပ်ထွေး၏။ ပြည်သူအများ သိရခက်နိုင်၏။ အာဏာ အတိအကျခွဲဝေခြင်းသည် သာမန်ပြည်သူလူထုအတွက် တစ်ခါတစ်ရံ နားလည်ရခက်စေနိုင်၏။ ထို.ကြောင့် ရှင်းလင်းလွယ်ကူသော ပါလီမန်စနစ်မှာလည်း အောင်မြင်နေရခြင်းဖြစ်သည်။ ကမ္ဘာ.နိုင်ငံများရှိ အုပ်ချုပ်မှု အဓိကပုံစံနှစ်မျိုးမှာ -

-         သမ္မတစနစ် (Presidential System)
-         ပါလီမန်စနစ် (Parliamentary System)          တို.ဖြစ်ကြ၏။

သမ္မတစနစ်

                           သမ္မတစနစ်ဆိုသည်မှာ သမ္မတနိုင်ငံတော်တစ်ခု (Republic) ၏ အစိုးရဖွဲ.စည်းပုံစနစ်တစ်ခုပင် ဖြစ်လေသည်။ အုပ်ချုပ်ရေး ကိုင်းခွဲ (Executive Branch) ကို ဥပဒေပြုရေး ကိုင်းခွဲ (Legislative Branch) နှင့် သီးခြား ခွဲထုတ်ကာ သမ္မတကို ရွေးကောက်တင်မြှောက်ရသည်။ သမ္မတစနစ်တွင် အစိုးရအဖွဲ.၌ သမ္မတ၊ ဒုတိယ သမ္မတနှင့် ၀န်ကြီးများအဖွဲ. ပါဝင်သည်။ အခြေခံသဘောအားဖြင့် တူညီနိုင်သော်လည်း တစ်နိုင်ငံချင်းစီတွင် သမ္မတစနစ်အမျိုးမျိုး ကွဲနေနိုင်လေသည်။

ပါလီမန်စနစ်

                         ပါလီမန်စနစ်တွင်မူ အုပ်ချုပ်ရေးကိုင်းခွဲမှ ၀န်ကြီးများသည် ဥပဒေပြုရေး ကိုင်းခွဲမှ ရေးဆွဲချက်အရ ဆင်းသက်လာကြပြီး ဥပဒေပြုရေးအဖွဲ.အပေါ် တာဝန်စောင့်ထိန်း (Accountable) ရလေသည်။ အုပ်ချုပ်ရေးနှင့် ဥပဒေပြုရေး ကိုင်းခွဲနှစ်ခုတို.သည် လိမ်ယှက် ရောထွေး (Intertwined) နေတတ်ကာ အုပ်ချုပ်ရေး ကိုင်းခွဲသည် ပါလီမန်၏ တိုက်ရိုက် (သို.) သွယ်ဝိုက် ထောက်ခံမှုအပေါ် မှီခိုရပြီး ပါလီမန်မှ ထောက်ခံမဲ (Vote of confidence) များ ပေးခြင်းဖြင့် အတည်ပြုပေးရ၏။ ပါလီမန်စနစ်တွင် အစိုးရအဖွဲ.၌ ၀န်ကြီးချုပ်၊ ဒုတိယ၀န်ကြီးချုပ်နှင့် ၀န်ကြီးများအဖွဲ. ပါဝင်သည်။ ပါလီမန်စနစ်လည်း နိုင်ငံအလိုက် ကွဲပြားမှုများ ရှိနိုင်လေသည်။

                          [ ခြွင်းချက် - တရုတ်နှင့် ရုရှားတို.တွင်မူ သမ္မတရော ၀န်ကြီးချုပ်ရော ရှိနေပြန်သည်။ မိတ်ဆက်နိဒါန်း ပေးခြင်းမျှသာ ဖြစ်ပြီး ဆက်လက် လေ့လာနိုင်ကြရန်သာ ရည်ရွယ်ပါသည်]

အဆင်ပြေနိုင်ကြပါစေ။
ခွန်းချို
စက်တင်ဘာ ၁၆ - ၂၀ ၊ ၂၀၁၀